Uşaqların inkişafında düzgün yanaşma, vaxtında müdaxilə və peşəkar dəstək mühüm rol oynayır. Yevlax şəhərində fəaliyyət göstərən “Uşaq Nitq və İnkişaf Mərkəzi” uşaqların nitq, psixoloji, sosial, koqnitiv və fərdi inkişafının dəstəklənməsi istiqamətində xidmət göstərir.

Hər bir uşağın fərdi xüsusiyyətləri nəzərə alınaraq loqoped, psixoloq, xüsusi pedaqoq, psixiatr, Art terapiya, duyubütünləmə (sensor inteqrasiya) mütəxəssisi və kölgə müəlliməsi tərəfindən peşəkar dəstək göstərilir.

Burada nitq gecikmələri, artikulyasiya və tələffüz problemləri, kəkələmə, dislaliya, disleksiya, autizm spektr pozuntusu, diqqət əskikliyi və hiperaktivlik pozuntusu, psixi inkişaf ləngiməsi, Daun sindromu, davranış çətinlikləri və digər inkişaf xüsusiyyətləri olan uşaqlarla fərdi məşğələlər aparılır.

Mərkəzdə duyubütünləmə (sensor inteqrasiya), Art terapiya, Montessori metodikası, xüsusi təlim qrupları və erkən inkişaf proqramları vasitəsilə uşaqların bacarıqlarının inkişafına dəstək göstərilir.

Əsas məqsəd hər bir uşağın potensialını üzə çıxarmaq, inkişaf ehtiyaclarına uyğun düzgün istiqamət vermək və valideynlərə peşəkar dəstək göstərməkdir. Çünki hər bir uşaq fərqlidir və özünəməxsus yanaşmaya ehtiyac duyur.

Dialoq.az