Şagirdlərin “mygov”da qeydiyyata alınması müzakirə yaratdı - Rəsmi cavab
Sosial
Oxunub: 50
4 Kas 2026 | 18:24
Şagirdlərin “mygov”da qeydiyyata alınması müzakirə yaratdı - Rəsmi cavab
Şagirdlərin “mygov” platformasında fərdi hesablarının yaradılması məsələsi müzakirələrə səbəb olub.

Dialoq.az Qafqazinfo-ya istinadən
xəbər verir ki, Gülzar Mustafayeva adlı sosial şəbəkə istifadəçisi bununla bağlı paylaşım edərək aidiyyəti qurumlardan məsələyə aydınlıq gətirilməsini istəyib.

O bildirib ki, uşaqların “mygov”da qeydiyyata alınmasının Elm və Təhsil Nazirliyinin göstərişi olduğu deyilir. Lakin valideyn bu tələbin hansı zərurətdən irəli gəldiyini anlamadığını qeyd edib.

G. Mustafayeva yetkinlik yaşına çatmamış uşaqların bu platformadan hansı məqsədlə istifadə edəcəyini sual edib: “Əgər söhbət onun hərbi komissarlıq məsələsindən gedirsə, o məlumat mənim “mygov”umda var, onun peyvəndlərinin məlumatı və s. olduğu kimi. Onsuz da o əsgərliyə 18 yaşdan sonra gedəcək, elə o vaxtda “mygov”dan qeydiyyatdan keçsin də, indidən nə vacibdir?

Bir aspekt də var, məktəb uşaqlarından tələb edirlər ki, onların smartfonları olmasın, bununla razıyam, oğlum məktəbə köhnə deyməli telefonla gedir. İndi sizin bu tələbinizə görə mən pul xərcləyib uşağa smartfon almalıyam ki, ona SİMA və dalınca da “mygov” tətbiqlərini yükləyim, yenə də – nə üçün?

Hər zaman deyilir ki, şəxsi məlumatları üçüncü şəxslərə ötürməyin, rəqəmsal məlumatlarınızı gizli saxlayın və s. Bəs uşaqlar buna necə riayət etsinlər, oyunlar oynayırlar, harasa girə bilərlər və özləri bilmədən də nəsə məlumat sızdıra bilərlər, bunun qabağı necə alınacaq?”

Məsələ ilə bağlı Məktəbəqədər və Ümumi Təhsil üzrə Dövlət Agentliyindən (MÜTDA) Qafqazinfo.az'ın sorğumuza cavab olaraq bildirilib ki, ölkədə rəqəmsal xidmətlərdən istifadənin əhatəliliyinin artırılması və təhsil sahəsində rəqəmsal imkanların inkişaf etdirilməsi çərçivəsində ümumi təhsil müəssisələrində şagirdlərin “mygov” platformasında fərdi hesablarının yaradılması ilə bağlı məlumatlandırma aparılır: “Bu təşəbbüsün əsas məqsədi hər bir şagirdin rəqəmsal mühitdə fərdi hesabının formalaşdırılması, təhsillə bağlı məlumatlarına və müvafiq təhsil sənədlərinə daha rahat çıxış imkanının təmin edilməsidir. Fərdi hesabların yaradılması bu xidmətlərdən daha operativ, rahat və əlçatan şəkildə istifadə olunmasına imkan verəcək.

Bu istiqamətdə valideynlərə mobil telefonlarına “mygov” tətbiqini yükləmək və aktiv istifadə etmək tövsiyə edilir. Yaşı 7 və daha yuxarı olan şagirdlər üçün ayrıca hesabın yaradılması nəzərdə tutulur. Bu istiqamətdə çətinlik yaşayan valideynlərə ümumi təhsil müəssisələrində müvafiq məlumatlar verilir.

Qeyd edək ki, texniki baxımdan bir mobil telefonda bir neçə şagird üçün ayrıca “mygov” hesabı yaratmaq mümkündür”.

Narazılıqlarla bağlı İnnovasiya və Rəqəmsal İnkişaf Agentliyindən isə müraciətimizə cavab olaraq qeyd edilib ki, valideynlər ikinci hesab kimi öz “mygov” tətbiqlərindən övladlarına aid hesabı aktivləşdirə bilərlər: “Platformadan istifadə vətəndaşlara dövlət xidmətlərinə rəqəmsal formada çıxış, fərdi məlumatlarının paylaşılmasına nəzarət və dövlət qurumları ilə rəqəmsal kommunikasiya imkanları yaradır.

Qeyd edək ki, bu istiqamətdə görülən işlər “Azərbaycan Respublikasında rəqəmsal inkişafın sürətləndirilməsinə dair 2026–2028-ci illər üçün Fəaliyyət Planı” çərçivəsində həyata keçirilir. Fəaliyyət Planına uyğun olaraq, rəqəmsal dövlət xidmətlərinin təşviqi və vətəndaşların bu xidmətlərdən istifadə imkanları barədə məlumatlandırılması istiqamətində tədbirlər görülür.

7 yaşdan yuxarı uşaqlar da “mygov” platformasında fərdi hesab yarada bilərlər. Bunun üçün uşağın ayrıca mobil telefona sahib olması zəruri deyil. Hesaba valideynin mobil telefonu və ya fərdi kompüter vasitəsilə də daxil olmaq mümkündür.

Bir cihazdan bir neçə ailə üzvünün hesabından istifadə etmək üçün əvvəlcə platformada açıq olan hesabdan çıxış etmək, daha sonra digər şəxsin hesabına daxil olmaq kifayətdir. Beləliklə, eyni cihazdan növbə ilə bir neçə istifadəçinin “mygov” hesabına daxil olmaq mümkündür.

Şəxsi mobil telefondan istifadə imkanı olan yuxarı sinif şagirdlərinə isə “mygov” mobil tətbiqini öz cihazlarına yükləyərək fərdi hesablarından istifadə etmələri tövsiyə olunur”.
Dialoq.az
Şahidi olduğunuz hadisələri çəkib bizə göndərin!
Keçid et
Bugün, 14:04
Heydər Əliyev və Azərbaycanın suveren dövlətçilik modelinin formalaşması
Bugün, 14:01
Bu ödənişin 50 faizini sahibkarlar üçün dövlət ödəyəcək
Bugün, 13:58
Qəbiristanlıqdan meyit tapıldı
Bugün, 13:58
Qəbiristanlıqdan meyit tapıldı
Bugün, 13:55
Atasının ölümünə səbəb olan sürücü həbsdən azad edildi
Bugün, 10:10
Mingəçevirin 78 illiyi təntənəli şəkildə qeyd olunub: Rektor Anar Eminov şəhərin elm və təhsil həyatının inkişafına verdiyi töhfələrə görə təltif edilib
Dün, 22:17
Mingəçevirdə piyadanı maşın vurdu
Dün, 19:28
Milli Qəhrəman süni tənəffüs aparatına qoşuldu
Dün, 11:55
Arvadının iynə vurduğu kişi öldü - Foto
Dün, 11:52
Üç yaşınadək uşağa görə verilən müavinətlə bağlı - Yeni tələb
Dün, 11:50
Maaşın gecikdirilməsi və ya azaldılmasına nəzarət gücləndirilir
Dün, 11:43
“Məzuniyyətin kompensasiya ilə əvəzlənməsi istirahət hüququnun reallaşmasını əvəz edə bilməz”
9-11-2026, 23:14
Şəhid Milli Qəhrəman Mübariz İbrahimovun ailəsi ziyarət edilib
8-11-2026, 11:50
Mingəçevir Dövlət Universitetinin kollektivi 8 Noyabr – Zəfər Günü münasibətilə Şəhidlər xiyabanını ziyarət edib
6-11-2026, 16:56
Milli dövlətçilik və Zəfər ruhunun rəmzi: Mingəçevir Dövlət Universitetində Zəfər Günü və Dövlət Bayrağı Gününə həsr olunmuş tədbir keçirilib. FOTOLAR
5-11-2026, 20:28
Prezident bir qrup media nümayəndəsini təltif etdi - Siyahı
5-11-2026, 20:23
Məcburi köçkünlərin övladlığa götürdüyü uşaqlara da status veriləcək
5-11-2026, 20:21
Bu şəxslər 3600 manat maaş alacaq
5-11-2026, 20:18
Sumqayıtda aptekdən 35 min manat oğurlandı - Saxlanılan var
5-11-2026, 15:51
Şanlı Zəfərin altıncı ildönümü: Mingəçevir Dövlət Universitetində tarixi yaddaş, milli dövlətçilik və gələcəyə baxış mövzusunda elmi-praktik konfrans keçirilib. FOTOLAR
5-11-2026, 11:45
Ermənistanla Türkiyə birbaşa ticarətə başlayır
4-11-2026, 18:24
Şagirdlərin “mygov”da qeydiyyata alınması müzakirə yaratdı - Rəsmi cavab
4-11-2026, 18:18
Mingəçevir Dövlət Universitetində elmi karyeraya dəstək: rektor Anar Eminov doktoranturaya hazırlaşan əməkdaşlarla görüşüb
3-11-2026, 16:09
Beynəlxalq təcrübədən peşəkar gələcəyə: Rektor Anar Eminov Mingəçevir Dövlət Universitetinin xaricdə təcrübə keçmiş turizmçi tələbələrlə görüşüb
1-11-2026, 22:04
Cüdoçumuz qızıl medal qazandı
31-10-2026, 13:18
Sabahdan Bakı–Tbilisi–Bakı marşrutu üzrə reyslərin sayı 4-ə çatdırılır - FOTO
29-10-2026, 21:59
MDU dayanıqlı kənd təsərrüfatı üzrə II Respublika Elmi Konfransında tərəfdaş qismində iştirak edib