Regionlarda kibertəhlükəsizlik biliklərinin inkişafına doğru mühüm addım: V “Cyber Summer School 2026” Mingəçevirdə başladı!

Bu gün Mingəçevir Dövlət Universitetinin əsas tərəfdaşlığı ilə V “Cyber Summer School 2026” yay məktəbinin rəsmi açılış mərasimində iştirak etdik.

Azərbaycan Kibertəhlükəsizlik Təşkilatları Assosiasiyasının təşkilatçılığı, Azərbaycan Respublikasının Gənclər və İdman Nazirliyinin, Dövlət Təhlükəsizliyi Xidmətinin Milli Kibertəhlükəsizlik Mərkəzinin və Mingəçevir Dövlət Universitetinin əsas tərəfdaşlığı ilə keçirilən bu layihənin ilk dəfə paytaxtdan kənarda, məhz Mingəçevir şəhərində təşkil olunması bizim üçün xüsusi əhəmiyyət daşıyır.

İnanıram ki, “Cyber Summer School 2026” gənclərin kibertəhlükəsizlik sahəsində bilik və bacarıqlarının artırılmasına, peşəkar əlaqələrinin genişlənməsinə və regionlarda rəqəmsal inkişaf mühitinin güclənməsinə mühüm töhfə verəcək.

Yay məktəbinin iştirakçıçısı olan 107 nəfərdən ibarət tələbə və məktəblilərə uğurlar, məhsuldar təlimlər və yaddaqalan günlər arzulayıram.

Layihənin yüksək səviyyədə təşkilinə və Mingəçevir Dövlət Universiteti ilə səmərəli tərəfdaşlığa görə Azərbaycan Kibertəhlükəsizlik Təşkilatları Assosiasiyasının İdarə Heyətinin sədri Pənah Musayev başda olmaqla bütün kollektivə təşəkkür edirəm.

Universitetimiz Sizinlə böyüyəcək, Sizinlə yüksələcək!

.

.

.

.

.

.

.

.

.

.

.

.

.

.

.

.

.

.

Dialoq.az