Daşınmaz əmlak qeydiyyatında mühüm yenilik.

Dialoq.az xəbər verir ki,daşınmaz əmlakın qeydiyyatı ilə bağlı yeni qərar qüvvəyə minib. Bu qərar illərdir vətəndaşların qarşılaşdığı əsas problemlərdən birini aradan qaldırır.

İndiyədək torpaq sənədləri ilə kadastr məlumatları arasında cüzi uyğunsuzluq olduqda qeydiyyat prosesi dayandırılır, vətəndaşlar isə aylarla məhkəmələrdə və müxtəlif qurumlarda vaxt itirirdilər.

Yeni qaydaya əsasən, əgər sənədlərdə torpağın təyinatı kadastr məlumatlarından fərqlidirsə, qeydiyyat orqanı 15 iş günü ərzində yerquruluşu sənədlərini araşdıracaq və məsələni özü həll edəcək.
Məlumatların düzgünlüyü təsdiqlənərsə, əmlak qeydiyyata alınacaq, kadastrda isə lazımi dəyişikliklər dövlət tərəfindən ediləcək.

Azərbaycan Qiymətləndiricilər Cəmiyyətinin sədri Vüqar Orucun sözlərinə görə, bu addım uzun illərdir həllini gözləyən sənədsiz fərdi yaşayış evləri probleminin mərhələli həlli üçün mühüm keçid hesab olunur.
Hazırda minlərlə ev yalnız torpaq kateqoriyasındakı uyğunsuzluqlar səbəbindən hüquqi status ala bilmir.

Qərarın qüvvəyə minməsi isə o deməkdir ki, vətəndaşların sənəd toplamaq, əlavə sübutlar təqdim etmək və texniki səbəblərlə imtina almaq yükü xeyli azalacaq.
Ətraflı sujetdə: