Mingəçevərdə 39 yaşlı qadın bıçaqlanıb.

Dialoq.az xəbər verir ki, hadisə şəhər ərazisində fəaliyyət göstərən 4 saylı uşaq bağçasının həyətində qeydə alınıb.

Məlumata görə, səhər saatlarında övladını bağçaya gətirən Aygün Həşimova burada kəsici-deşici alətlə xəsarət alıb. Hadisənin bağçanın həyətində, oturacaqların yaxınlığında baş verdiyi bildirilir.

Ətrafdakı insanların köməyi ilə yaralı qadın xəstəxanaya çatdırılıb.

Mingəçevir Şəhər Mərkəzi Xəstəxanasından verilən məlumata görə, 1987-ci il təvəllüdlü qadın saat 09:00 radələrində xəstəxananın Təcili tibbi yardım şöbəsinə hospitalizasiya olunub. Ona zəruri tibbi xidmətlər göstərilib. Hazırda müalicəsi davam etdirilir və vəziyyəti stabil qiymətləndirilir.

Qadını bıçaqlamaqda onun həyat yoldaşı, 46 yaşlı Qasım Quliyev şübhəli bilinir. Bildirilir ki, o, könüllü olaraq polisə təslim olub.

Faktla bağlı araşdırma aparılır.


Dialoq.az