Ağdaş rayonunun Qaradeyin kəndində tövlə yanıb.

Dialoq.az xəbər verir ki, hadisə axşam saatlarında kənd sakini Mustafayev Şahin Nəsib oğluna məxsus tövlədə qeydə alınıb.

Hadisə yerinə Fövqəladə Hallar Nazirliyinin Yanğından Mühafizə Xidmətinin əməkdaşları və 2 yanğınsöndürən avtomobil cəlb olunub. Yanğın söndürülüb.

İlkin məlumata görə, hadisə nəticəsində insan və mal-qara tələfatı olmayıb.

Yanğın nəticəsində elektrik dirəyinə və elektrik naqillərinə də ziyan dəyib. Bununla əlaqədar həmin xətdən elektrik enerjisi alan abonentlərin təchizatı müvəqqəti olaraq alternativ xətt vasitəsilə təmin edilib.

Zədələnmiş elektrik xəttinin sabah bərpa olunması, zədələnmiş hissələrin yenisi ilə əvəzlənərək enerji təchizatının əvvəlki vəziyyətinə qaytarılması nəzərdə tutulur.

Hadisənin başvermə səbəbi araşdırılır.

.

.

.

.

.

.

Dialoq.az