Hazırki mövsümdə uşaqlar və böyüklər arasında yayılmış viruslardan biri də "Adenovirus" virusudur. Bu barədə "Yevlax Rayon Mərkəzi Xəstəxanası" maarifləndirmə və virusun yayılmasının qarşısının alınması məqsədi ilə özünün Facebook sosial şəbəkə hesabında paylaşım edib. Paylaşımda bildirilir ki, Adenovirus, tənəffüs, göz və bağırsaq infeksiyalarına səbəb olan bir virusdur.

Onun əlamətləri soyuqdəymə, qızdırma, öskürək, ishal və gözlərin qızarmasıdır.
Adenovirus əsasən hava damcıları və kontaminasiya olunmuş əşyalarla yayılır. Xəstəliyin qarşısını almaq üçün gigiyenik qaydalara riayət etmək və əlləri tez-tez yumaq vacibdir.
Adenoviruslar uşaqlarda və immuniteti zəif olan şəxslərdə daha ağır xəstəliklərə səbəb ola bilər, buna görə də vaxtında müalicə və qorunma vacibdir,-Deyə paylaşında qeyd olunub.
Dialoq.az