Mingəçevir şəhərindən Eminov Toğrul Əsabəli oğlu saytımızın qaynar xəttinə yazır. Müraciəti olduğu kimi Sizlərə təqdim edirik:

"Salam, mən "44 günlük Vətən müharibəsi" qazisi Eminov Toğrul Əsabəli oğlu Mingəçevir şəhər 19 nömrəli tam orta məktəbdə yaranmış problemi sizlere bildirmek istəyirəm ve bu məlumatı medianızda işıqlandırmağınızı xahiş edirəm. İki aydan çoxdur ki, Mingəçevir şəhər 19 nömrəli tam orta məktəbin nə işıq sistemi var, nə də istilik sistemi. Bunla bağlı valideynlər dəfələrlə müraciət etsələr də sonuç olaraq vəziyyət dəyişməyərək qalır ve uşaqlar siniflərdə soyuq bir yerde oturaraq təhsil alırlar, əgər ona təhsil demek olarsa... O məktəblinin fikri ancaq isinmək, üşüməmək olduqda orada heç bir təhsildən, keçilən dərsdən, nə də başa düşməkdən söz gedə bilmez.
Mən özüm şəxsən Mingəçevir Təhsil Şöbəsinin müdirəsi Sevinc xanıma bu barədə məlumat vermişəm, məsələdən xəbəri olduğunu, ancaq həllinin, aradan qaldırılması barədə bir söz deyə bilmədi. Sadəcə gözləyin dedi və gözlədim, 10 gün keçdi nəticə olmadı.
Daha sonra Mərkəzi Aran Regional Təhsil İdarəsinin müdiri Cavad Cavadovla telfonla danışıb mövzu barəsində yaranan problemi söylədim. Cavad müəllim də yenə məlumatının olduğunu və bu məsələni Elm və Təhsil Nazirliyinə bildirdiyini söylədi. Nəticəni soruşduqda isə Cavad müəllim öz cavabında digər qurum rəhbərləri kimi gözləyin, əlimizdən heç bir şey gəlmir dedi. Səbrləri tükənən valideynlər "Xəzər TV" nümayəndələrinin qarşısına çıxıb problemi televiziya vasitəsiylə də işıqandırdılar.

Ancaq nəticədə işıq bir gün düzəldi sora yenidən köhnə hamam, köhnə tas, necə deyərlər...
Artıq bir çox valideyn öz uşaqlarını məktəbə yola salmırlar, soyuq divarlar arasında xəstələnib sağlamlıqlarına ziyan dəyməkdənsə, uşaqlarının evdə oturmağını məsləhət bilirlər. Sizdən artıq dərəcədə xahiş edirəm bu mövzunu işıqlandırın və aidiyyəti qurumlar öz üzərlərinə düşən öhdəlikləri yerinə yetirsinlər. Əvvəlcədən sizə öz təşəkkürümü bildirirəm".

Sözügedən məsələ ilə bağlı qarşı tərəfin münasibətini dinləməyə və işıqlandırmağa hazırıq.
Dialoq.az