"Dialoq.az" xəbər verir ki, “Yaşıl dünya naminə həmrəylik ili” çərçivəsində Yevlax Şəhər İcra Hakimiyyətinin təşkilatçılığı ilə növbəti ağacəkmə aksiyası Yevlax-Bərdə avtomobil yolunun ətrafında keçirilib. Bu barədə Yevlax Şəhər İcra Hakimiyyəti özünün Facebook sosial şəbəkə hesabında paylaşım edib.

Aksiyada Yevlax Şəhər İcra Hakimiyyəti Başçısının müavini-İctimai siyasi və humanitar məsələlər şöbəsinin müdiri Elnarə Əzizovan, Şəhər İcra Hakimiyyəti Başçısı aparatının Hüquq şöbəsinin müdiri Vidadi Murtuzayev, YAP Yevlax rayon təşkilatının sədr müavini Tural İsmayılov, Mərkəzi Aran Regional Gənclər və İdman İdarəsinin rəisi Azad Gözəlov, Yevlax rayonu üzrə Gənclər və İdman sektorunun müdiri Samir Kərimov və sektorun əməkdaşları iştirak ediblər. Aksiya çərçivəsində rayonun iqlim şəraitinə uyğun müxtəlif növ ağaclar əkilib.

Bundan əlavə Yevlax Şəhər İcra Hakimiyyətinin paylaşdığı digər məlumata əsasən “Yaşıl dünya naminə həmrəylik ili” çərçivəsində görüləcək işlərlə bağlı Yevlax Şəhər İcra Hakimiyyətinin Tədbirlər Planına uyğun olaraq rayonun Aran qəsəbəsində, Balçılı, Ərəbbəsrə, Kövər, Nərimanabad, Qaramanlı, Qaraməmmədli, Qoyunbinəsi, Salahlı, Tanrıqulular, Xaldan, Aşağı Bucaq, Yaldili kəndlərində də ağacəkmə aksiyaları keçirilib.




Dialoq.az

Xəbəri paylaşın və şahid olduğunuz hadisələr haqqında məlumatı bizə göndərin.
Əlaqə: 055-655-48-84