03 aprel 2024-cü il tarixdə Yevlax şəhər Heydər Əliyev Mərkəzi Dini Qurumlarla iş üzrə Dövlət Komitəsinin (DQİDK) Yevlax rayon şöbəsi ilə birgə "Böyük zəfərin başlanğıcı" adlı tədbir keçirib. Bu barədə Yevlax Rayon Heydər Əliyev Mərkəzi özünün Facebook sosial şəbəkə hesabında paylaşım edib.

Tədbir Azərbaycan Respublikasının Dövlət Himninin səslənməsi ilə başlayıb, daha sonra Ulu Öndər Heydər Əliyevin və Vətənimizin azadlığı, müstəqilliyi uğrunda canlarından keçmiş Şəhidlərimizin əziz xatirələri bir dəqiqəlik sükutla yad edilib.

Tədbirdə Yevlax şəhər Ağsaqqallar şurasının sədr müavini Sərdar Məmmədov, Telejurnalist, siyasi şərhçi, Beynəlxalq Jurnalistlər Federasiyasının üzvü İnqilab Şirinli, Aprel döyüşləri qazisi Elnur Zəkərəliyev, Rəcəb İbrahimov və Vətən Müharibəsi iştirakçıları iştirak ediblər.

Çıxış edən natiqlər Azərbaycanın illərlə başına gətirilən müsibətlərdən, Azərbaycan Ordusunun bugünkü gücündən, qüdrətindən və xalqımızın Prezident, Müzəffər Ali Baş Komandan cənab İlham Əliyevin ətrafında sıx birləşməsindən danışıblar.
Sonda aprel döyüşlərinə həsr olunmuş film nümayiş etdirilib və xatirə şəkilləri çəkilib.









Yazıçı, Azərbaycan Yazıçılar və Azərbaycan Jurnalistlər Birliyinin üzvü, YYSİB Şəhid Ailələri və Qazilərlə İş Departamentinin Sədri, hərbi ekspert Natiq Əlisoy

Dialoq.az