Yevlax şəhər Səməd Vurğun adına 5 saylı tam orta məktəbdə 2016-cı il aprel döyüşlərinə həsr olunmuş tədbir keçirilib və tədbirdə qanları ilə Zəfər tarixi yazmış qazilərlə məktəb şagirdlərinin görüşü təşkil olunub.
Təşkil olunan görüşü giriş nitqi ilə açıq elan edən Yevlax şəhər Səməd Vurğun adına 5 saylı tam orta məktəbin direktoru Alıyev Sabir Əhməd oğlu ilk öncə qonaqları salamlayıb, onlara dərin hörmət və ehtiramını bildirib.
Ondan sonra Ulu Öndər Heydər Əliyevin siyasi kursunun layiqli davamçısı, Müzəffər Ali Baş Komandan cənab İlham Əliyevin apardığı uğurlu siyasətdən, qazandığımız şanlı tarixi qələbədən bəhs edən məktəb direktoru 2016-cı il aprel döyüşlərinin tarixi, əhəmiyyəti haqqında şagirdlərə məlumat verib.

Görüşdə iştirak edən 44 günlük Vətən müharibəsi qaziləri Məmmədli Rahil Rövşən oğlu, Baxşəliyev Emin Zahir oğlu, Xuduşzadə Kənan Umidvar oğlu, Quliyev Nurlan Rəfail oğlu və Mustafayev İmran Elşad oğlu onlara göstərilən diqqət və qayğıya görə məktəb rəhbərliyinə və kollektivinə dərin təşəkkürlərini bildiriblər və onlar da keçdikləri şərəfli döyüş yolundan, eyni zamanda 2016-cı il aprel döyüşlərinin tarixi, hərbi-siyasi əhəmiyyətindən danışıblar, bu barədə məktəb şagirdlərinə ətraflı məlumat veriblər. Sonda şagirdlərin sualları cavablandırılıb, qəhrəman qazilərimiz məktəb rəhbərliyi tərəfindən diplomlarla təltif edilib və onlarla xatirə şəkilləri çəkilib.















Yazıçı, Azərbaycan Yazıçılar və Azərbaycan Jurnalistlər Birliyinin üzvü, YYSİB Şəhid Ailələri və Qazilərlə İş Departamentinin Sədri, hərbi ekspert Natiq Əlisoy

Dialoq.az