Dialoq.az xəbər verir ki, Yevlaxda ötən sutka ərzində suların kəsilməsinin ilkin səbəbləri bəlli olub. Məlumatın mənbəyi göstərilməsə də bununla bağlı "Online Xəbər" məlumat yayıb. Məlumatda deyilir:

"Bir neçə gündür ki, Yevlax şəhərində kanalizasiya sularının qabarması halı müşahidə olunurdu. Buna səbəb yeraltı kanalizasiya borusunda tıxanmanın olmasıdır. Yevlax Şəhər İcra Hakimiyyətinin Başçısı Anar Tağıyevin göstərişi əsasında dərhal problemin aradan qaldırılması üzrə işlər başlayıb. Əraziyə xüsusi texnikalar və işçi heyəti cəlb olunub. Hazırda təmir işləri davam etdirilir. Qısa zamanda bu problem tamamilə öz həllini tapacaq,-Deyə xəbərdə bildirilib.

Ehtimal edirik ki, son sutka ərzində Yevlax şəhərində suların kəsilməsinin səbəbi şəhərdə yeraltı kanalizasiya borularında aparılan işlərlə əlaqədardır. Aidiyyatı qurumlarla dəqiqləşdirmə işləri apardıqdan sonra sözügedən məsələ ilə bağlı ictimaiyyətə əlavə məlumat veriləcək.


Dialoq.az