Ulu Öndər Heydər Əliyev 1993-cü ilin iyun ayında ikinci dəfə hakimiyyətə gəldikdən sonra bir məqsədi olub ki, Qarabağı azad eləsin. Çünki Heydər Əliyev daimi Qarabağa diqqət göstərmişdir. 1969-cu ildə hakimiyyətə gəldiyi gündən Qarabağda abadlıq işlərinin görülməsi, Qarabağda gözəlliklərin yaradılması, Qarabağda mərhum sənət adamlarından xususilə Şuşa şəhərində Molla Pənah Vaqifin abidəsinin qoyulması, görkəmli Azərbaycan rəssamı Mir Mövsüm Nəvvabın büstünün düzəldilməsini Heydər Əliyev eləmişdi. Ona görə də 2-ci dəfə hakimiyyətə gələndə 1993-cü ildə bir nömrəli məqsədi Qarabağın azad etmək olub. Həyatda özündən sonra oğlu İlham Əliyevə də vəsiyyəti o olub ki, Qarabağı azad etsin. 1993-cü ildə hakimiyyətə gələndən sonra Qarabağ həqiqətlərini Heydər Əliyev bütün dünyaya çatdırdı. Heydər Əliyev dünyasını dəyişəndən sonra onun siyasi kursunu davam etdirən prezident İlham Əliyev onun arzularını yerinə yetirdi. Belə ki, 2020-ci ilin sentyabr ayının 27-də düşmənin təxribatlarının qarşısını almaq üçün əks-hücum əməliyyatı ilə dəmir yumruqla düşmənin başını əzdi. 44 gün ərzində Azərbaycan Ordusu və Azərbaycan dövləti qələbə qazandı. Dəfələrlə cənab prezident İlham Əliyev hər çıxışında Qarabağ Azərbaycandır deyib bütun dünyaya səs saldı. Heydər Əliyevin yarımçıq qalmış işlərini İlham Əliyev uğurla davam elətdirdi. Əbəs yerə deyil ki, bu gün İlham Əliyev hər çıxışında fərəhlə söyləyir ki, "mən xoşbəxt adamam ki, ata vəsiyyətini yerinə yetirdim"!

Tuqay Sərdarlı
Goranboy Qeydiyyat Şöbəsinin rəisi