Vətən müharibəsində şəhid olmuş
 Novruz Əli oğlu Haqverdiyevin
 əziz xatirəsinə.
                
Mübarizlər oldu mayak,
Yetişməkçün azadlığa.
Azmadın haqqın yolundan,
Zurvədə ŞƏHİD olmağa!

Hər zaman arzuladıq,
İgid oğlan olasan.
Örnək alıb atadan,
Nəslə gərək olasan.

Vətənin fərmanına,
Sən də səfərbər oldun.
Şükr olsun ilahiyə,
Hamıya örnək oldun.

Bu gün elin gözündə,
Boy atıb ucalmısan.
Kişilik məktəbində
Xoş bir iz də salmısan.

Torpağa qarışaraq,
Qəlblərə tac taxmısan.
Şəhidlik zirvəsindən,
Asimandan baxırsan.

Vətəni üstün tutdun,
Ata, ana, həm yardan.
Canından əziz olan,
Bir İnci tək baladan.

İnci hələ anlamır,
Şəhidlik kəlməsini.
Sarılaraq şəklinə
Kikləyir nəğməsini.

Sanır bəlkə də gəldin,
Eşidərək səsini.
Öpüşə qərq edibdir,
Şəklin hər guşəsini.

Alıb bağrına basır,
Ata, ata inləyir.
Nə nəvaziş, nə qayğı,
Atadan görə bilir.

Şəhidin ruhu göydə
Qanı torpağ ilə tən.
İnciyə həm atadır,
Həm anadır, bu Vətən!