Dialoq.az xəbər verir Yevlax şəhərində şəhərdaxili yolların sıradan çıxmış hissələrində bərpa işləri aparılır.

Yol mədəniyyətdir, uğurlu və təmiz yol bizləri parlaq gələcəyə aparır. Bu barədə Dialoq.az saytına yazıçı, Azərbaycan Jurnalistlər və Azərbaycan Yazıçılar Birliyinin üzvü Natiq Əlisoy münasibət bildirib:
Bir vaxtlar var idi ki, ölkəmizin avtomobil yolları həddindən artıq bərbad halda idi. Qeyd etməliyik ki, son illərdə Müzəffər Ali Baş Komandan, Cənab İlham Əliyevin apardığı çoxşaxəli siyasətin əsas prioritet istiqamətlərindən biri də şəhər və rayonlarımızın, qəsəbə və kəndlərimizin abadlaşdırılmasıdır. Danılmaz faktdır ki, sözügedən istiqamətə hər il ölkə büdcəsindən milyonlarla vəsait ayrılır. Əlbəttə ki, bu vətəndaşlarımızın rahatlığı üçün edilən ən böyük xidmətlərdən biridir. Yolların abadlaşdırılması və onun keyfiyyətli çəkilməsi vəzifəsi müvafiq qurumların üzərinə düşsə də, onun qorunması, ondan təyinatı üzrə düzgün istifadə edilməsi isə biz vətəndaşların üzərinə düşür. Şəhərdaxili və digər magistral yollardan tonnajına görə avtonəqliyyat vasitələrindən düzgün istifadə etməmək, yolları çirkləndirmək və digər xoşagəlməz hallar yolların vaxtından əvvəl sıradan çıxmasına səbəb olan amillərdəndir, -Deyə Natiq Əlisoy bildirib.

Dialoq.az