Bir il sonra ilk səs:7 yaşlı Harunun biyonik qulaq sevinci.

Dialoq.az Türkiyə mediasına istinadən xəbər verir ki, Osmaniyədə yaşayan 7 yaşlı Harun Ekinci uğurlu əməliyyatdan sonra yenidən səsləri eşitməyə başlayıb.

Məlumata görə, anadangəlmə eşitmə problemi yaşayan Haruna həkimlər tərəfindən koklear implant əməliyyatı həyata keçirilib. Xalq arasında “biyonik qulaq” kimi tanınan cihazın aktivləşdirilməsindən sonra azyaşlı ilk dəfə səsləri qəbul edib.

Harunun valideynlərinin səsini eşitdiyi anlar ailəsi üçün unudulmaz sevincə çevrilib. Uzun müddət eşitmə problemi yaşayan uşağın səsə reaksiya verməsi həm yaxınlarını, həm də həkim heyətini sevindirib.

Mütəxəssislər bildirirlər ki, koklear implant əməliyyatı eşitmə itkisi yaşayan bir çox uşağın ünsiyyət və sosial inkişafında mühüm rol oynayır.

Qeyd edək ki, əməliyyat Türkiyənin Osmaniye şəhərində həyata keçirilib.
Dialoq.az