Əziz dostlar, dəyərli qardaşlar və bacılar! Bildirim ki, 7 iyul 2022-ci il tarixdə Yeni Yazarlar və Sənətçilər İctimai Birliyinin sədri hörmətli yazıçı, kulturoloq Aydın Xan müəllimin və YYSİB-nin idarə heyətinin qərarı ilə şəhidlərimizin ailə üzvləri, qazilərimiz və yaradıcı hərbçilərlə iş üzrə departamentin təsis edilməsi barədə qərar qəbul edilib, qəbul  edilmiş qərarla mən, yazıçı, hərbçi-şair, Azərbaycan Jurnalistlər Birliyinin üzvü, "Qızıl qələm", "Ulu Öndər", " Ali Baş Komandan" media mükafatları laureatları Əliyev Natiq Fazil oğlu (Natiq Əlisoy) sədr təyin edilmişəm. Dəyərli dostlar! Yeni yaradılmış departamentin əsas məqsədi və inkişaf perespektivləri məss vətənimizin azadlığı, müstəqilliyi və bütövlüyü uğrunda canlarını fəda etmiş şəhidlərimizin ailə üzvləri, qəhrəman qazilərimiz və hərbçilərimizin sıralarından olan elmi, texniki, bədii və digər yaradıcılıq istiqamətlərində fəaliyyət göstərən şəxsləri tanımaq, tanıtdırmaq, inkişaf etdirmək, onlara birlikdə hərtərəfli dəstək olmaq və dövlətimizə fayda verməkdir. Qeyd edim ki, dünyanın inkişaf etmiş, qabaqcıl dövlətlərində olduğu kimi bu gün ölkəmizdə də hərbi xidmətdə və ehtiyyatda olan hərbçilərimizin, qəhrəman döyüşçülərimizin, şəhid ailələrimizin sosial, mədəni, elmi-texniki, bədii təfəkkürünün inkişafına böyük diqqət yetirilir. Lakin, bir çox hallarda yaradılmış imkanların icra mexanizminin zəif olmasından, bu sahənin inkişaf etdirilməsi üçün təyin edilmiş şəxslərin təcrübəsizliyindən tez-tez rast gəlinən xoşagəlməz hadisələr meydana gəlir. Odur ki, hesab edirəm ki, şəhid ailələrimizin, qazi və hərbçilərimizin hərtərəfli qayğısı ilə məşğul olan idarə və təşkilatlarda, güc strukturlarında çalışan şəxslər elə şəhid ailələrindən, qazilərimizdən və ehtiyatda olan hərbçilərimizdən təyin edilməlidir. Bunun üçün isə bizə elmi, texniki, bədii və s. cəhətdən yaradıcı, perespektivli, qabaqcıl, nüfuzlu, hüquqi, tibbi, hərbi, siyasi savadı olan şəxslərin bir məqsəd ətrafında birləşməsi lazımdır. Dəyərli dostlar, bu məqsədlə sizlərin hər birinə xahişlə müraciət edərək bildirirəm ki, sıralarınızda olan bütün yaradıcı şəxslər, elmi dərəcəsi, ixtiraları, kəşfləri, hüquqi, tibbi təhsili və digər xüsusi bacarıqları olan, xarici dillər bilən şəhid ailələri, qazilər və ehtiyatda olan hərbçilər bizə müraciət etsinlər. Müraciətləriniz qəbul olunub, hərtərəfli analiz edildikdən sonra  sizlərə məlumat veriləcək və departamentə dəvət olunaraq hərtərəfli dəstək olunacaq. Biz birlikdə güclüyük!
Əlaqə: Whatsapp 0507687717.
_________________________________________________
YYSİB Şəhidlərin Ailə Üzvləri, Qazilər və Yaradıcı Hərbçilərlə İş Departamentinin sədri Natiq Əlisoy