Hərbçilər, qazilər, şəhid ailələri ilə bağlı məsələlərin müzakirəsində və həlli istiqamətində atılan addımlarda ehtiyatda olan zabitlərin, döyüşçülərin münasibətini öyrənmək və qəbul etmək zəruridir. Bu gün sosial mediada hərbçilər, qazilər və şəhid ailələri ilə bağlı gündəm alan xoşagəlməz
hadisələrin başında müxtəlif dövlət orqanlarında vəzifəyə təyin edilmiş şəxslərin sözügedən mövzu ilə bağlı iş təcrübəsinin olmaması, məsələlərə münasibətinin zəifliyi və dövlətlə vətəndaş arasında olan  tarazlığın yaradılması üçün nüfuzunun yetərli olmamasıdır. Bu kimi faktlar isə ciddi narazılıqlara, qarşıdurmalara, intihar və digər hallara yol açan əsas səbəblərdən biridir. Dövlətin hərbçilər, qazilər və şəhid ailələri üçün ayırdığı vəsaiti bu ciblərindən çıxardıb, o ciblərinə qoyan bəzi sehirbazlar anlamırlar ki, səngər həyatı yaşamış kişilərlə oyun oynamaq olmaz!