Son aylarda Ermənistanın Qərbə üz tutmasının nəticələri barədə Dialoq.az xəbər saytına açıqlama verən ehtiyatda olan mayor, hərbi ekspert Natiq Əlisoy maraqlı məqamlara toxunub.

O bildirib ki, Ermənistan özünü böyük uçurumlara aparır. Düzdür, Ermənistanın başına gələcək hər bir fəlakət bizi sevindirsə də, biz istəmirik ki, yaşadığımız regionda əlavə münaqişə ocaqları yaransın. Çünki müharibə heç bir ölkəyə və heç bir xalqa xoş əhval-ruhiyyə bağışlamır. Ermənistan və onun hərbi-siyasi rəhbərliyi başa düşə bilmədi ki, onların yeganə çıxış yolu Rusiyanın vasitəçiliyi ilə Azərbaycanla sülh müqaviləsinin imzalanmasıdır. Ermənistan Rusiya ilə münasibətləri daha da yaxşılaşdırmaq əvəzinə, əksinə Rusiyaya zərbə vurmağa çalışır. Təsəvvür edin ki, Erməniləri iki əsr öncə Cənubi Qafqaza, Azərbaycan torpaqlarına köçürüb qondarma erməni dövləti yaradan Rusiya Ermənistanın atdığı son addımlardan şoka düşüb. Əslində belə vəziyyətin yaranmasında bir başa günahkar Rusiyanın özüdür. Çünki Rusiya o qədər Ermənistanın nazı ilə oynayıb onlara havayı torpaqlar verib ki, indi Ermənistan elə bilir ki, Rusiya yenə də qoşun yeridib Azərbaycan torpaqlarını zorla işğal edib Ermənistana hədiyyə etməlidir. Ona görə də bu gün Rusiyadan dəstəyi kəsilən Ermənistan necə deyərlər küsüb Rusiyanın acığına Qərbə, ABŞ-a üz tutub. Rusiyanın heç vaxt ağlına gəlməzdi ki, süfrəsinin artığı ilə böyüyən Ermənistan onun üzünə ağ ola bilər. Bu gün Rusiyanın çətin vəziyyətində Ermənistanın Rusiyaya qarşı atdığı addım Rusiya üçün tarixi və böyük xəyanətdir. Hesab edirəm ki, Rusiya Ermənistanın ona etdiyi xəyanəti asan bağışlamayacaq. Bunun üçün cənab Putinin xüsusi plan hazırlayacağını istisna etmirəm, düşünürəm ki, biz yaxın vaxtlarda bunun şahidi olacağıq, - Deyə Natiq Əlisoy bildirib.


Dialoq.az