Hərbi ekspert Natiq Əlisoy 2023-cü il sentyabrın 11-dən 20-dək ABŞ ilə Ermənistan arasında keçiriləcək EAGLE PARTNER "QARTAL ORTAĞI" 2023 birgə təliminin gizli məqamları ilə bağlı Dialoq.az xəbər saytına açıqlama verib:

İlk öncə 2023-cü il sentyabrın 11-dən 20-dək ABŞ ilə Ermənistan arasında keçiriləcək EAGLE PARTNER "QARTAL ORTAĞI" 2023 birgə təliminin adına "QARTAL ORTAĞI" xüsusi diqqət etmək lazımdır. Hesab edirəm ki, bu ad təsadüfən seçilməyib. Danılmaz faktdır ki, tarix boyu Amerika ilə Rusiya qartala bənzər ölkəmizin təbii sərvətlərinə ortaq çıxmağa can atmışdılar. Lakin, bu günə qədər Cənubi Qafqazda üstünlüyünü qoruyub saxlamağa çalışan Rusiya imkan verməmişdir ki, Amerika Cənubi Qafqazda, xüsusilə qartala bənzər ölkəmizdə öz istəyinə nail ola bilsin. Düşünürəm ki, bu gün Amerika üçün hədsiz əlverişli şərait yaranıb. Düşünmürəm ki, Amerika nə Ermənistana, nə də Azərbaycana ürəkdən can yandıra bilər. Sadəcə bu gün ABŞ Ermənistanın düşdüyü çətin vəziyyətdən istifadə edərək ona dəstək durmaq adı ilə Cənubi Qafqaza gəlmək üçün özünə yaxşı yol tapıb. Bunun arxasında nələrin durduğu isə aydındır. ABŞ sülhməramlı əməliyyatlar çərçivəsində beynəlxalq sülhməramlı missiyalarda iştirak edən bölmələr arasında qarşılıqlı fəaliyyət səviyyəsinin yüksəldilməsi, komandanlıq-nəzarət və taktiki rabitə sahəsində təcrübə mübadiləsinin aparılması, o cümlədən döyüş hazırlığının artırılması bəhanəsi ilə gələcək Ermənistana və ondan sonra müxtəlif bəhanələrlə deyəcək ki, Qarabağda yaşayan etnik ermənilərin təhlükəsizliyini, Laçın sərhəd-buraxılış məntəqəsinin açılmasını təmin edə bilmədiyinə və s. səbəblərə görə Rusiya sülhməramlı qüvvələrinin fəaliyyəti beynəlxalq sülhməramlı missiyaya uyğun olmadığı üçün Qarabağ ərazisindən çıxarılmalıdır. Əslində elə ermənilərin də istədikləri budur. Bunu görən ermənilər "xilaskarımız" gəlib deyərək nümaişlərə başlayacaq və tələb edəcəklər ki, bizə nə rus lazımdır, nə də rus sülhməramlıları. Məsələ bu qədər sadə və aydındır. Əlbəttə ki, ABŞ-ın əsas marağı Qarabağ məsələsi deyil, ABŞ-ın əsas hədəfi və zərbə istiqaməti Ermənistandan istifadə etməklə İran və Rusiyadır. Eyni zamanda paralel olaraq ABŞ ermənilərə hərtərəfli dəstək durmağa çalışacaq ki, erməni dığaları narazı qalmasınlar. Gələcək günlərdə nələrin baş verəcəyini dəqiq praqnoz etmək çətin olsa da, onu deyə bilərəm ki, gedən gərgin hərbi-siyasi proseslər, baş verən hadisələr regionumuz üçün xoş müjdələr vəd vermir,-Deyə Natiq Əlisoy bildirib.

Dialoq.az