Prezident İlham Əliyevin beynəlxalq platformalardan səsləndirdiyi fikirlər, eləcə də həm yerli, həm də xarici telekanallara olan müsahibələri tarixi həqiqətlərə əsaslanır. Ona görə ki, dövlətimizin başçısı cənab İlham Əliyevin mövqeyi daim konstruktiv və qətiyyətli olmuşdur. Məlum olduğu kimi möhtərəm Prezident bir neçə gün əvvəl Şuşada “Euronews” televiziyasına müsahibə verib. Müsahibə avqustun 1-də “Euronews”da yayımlanıb. Müsahibə zamanı cənab Prezident bir çox tarixi və xüsusi məqamları qeyd edib. 2020-ci il noyabrın 10-da Bəyanatı imzaladığımız zaman vəziyyət, əslində, dayanıqlı sülhü təmin etmirdi. O, sülh razılaşması deyildi, Bəyanat idi. Əslində, Ermənistanın kapitulyasiya aktı idi. Beynəlxalq Ədalət Məhkəməsi bizə öz ismarıcını ünvanladı ki, hər hansı hərəkətin pozulmaması üçün biz vətəndaş cəmiyyətinin fəalları ilə danışaq. Biz bunu etdik. Biz Ermənistanla sərhədimizdə sərhəd-keçid məntəqəsini qurduqdan dərhal sonra, - bu, bizim legitim hüququmuzdur və heç kəs tərəfindən, o cümlədən Beynəlxalq Ədalət Məhkəməsi tərəfindən mübahisələndirilmir, – biz burada Şuşadakı nümayəndəm vasitəsilə QHT nümayəndələri ilə danışdıq ki, həmin fəaliyyəti dayandırsınlar. Onlar bunu etdilər və getdilər. Hazırda da hərəkət etmək azadlığı bloklanmayıb. Aprelin 23-dən sərhəd-keçid məntəqəsini qurduğumuz vaxtdan etibarən Qarabağın 2 mindən artıq sakini Ermənistana asan şəkildə gedib-gəlib. Deməli, bu söylənilən həqiqətlər onu deməyə əsas verir ki, Azərbaycan Prezidenti doğma Qarabağ ərazisində yaşayan azsaylı ermənilərə tarixi bir şans verib. Onlar ya bu tarixi şansdan yararlanacaq, ya da ki, Qarabağı tərk edəcəklər. Azərbaycan öz haqq məsələsini qalibiyyətlə həll etdi. İndi isə Azərbaycan regiona davamlı sülhün gəlməsi üçün təkliflər irəli sürüb. Ermənistanın yeganə çıxış yolu sülh müqaviləsini imzalamaq və seperatizm meyillərindən əl çəkməkdir. Əks təqdirdə revanşist cəhdlər olarsa bütün erməni seperatizmi yaxşı bilir ki, “Dəmir Yumruq” yerindədir.


Dialoq.Az