Dialoq.az xəbər verir ki, 30.09.2023-cü il tarixdə Yevlax şəhər Uşaq Gənclər İdman Şahmat Məktəbində "27 sentyabr Anım Günü"nə həsr olunmuş şahmat və güləş bölmələri üzrə məktəbdaxili yarış keçirilib.

Bu barədə Dialoq.az saytına Yevlax şəhər Uşaq Gənclər İdman Şahmat Məktəbinin direktoru Elman Əlibəyli məlumat verib. O bildirib ki, şəhidlərimizin əziz xatirəsinə həsr olunmuş yarışa Azərbaycan Respublikasının dövlət himninin ifasından və şəhidlərimizin əziz xatirəsini bir dəqiqəlik sükutla yad etdikdən sonra start verilib. Məktəbin direktoru onu da qeyd edib ki, yarışdan öncə torpaqlarımızın azadlığı uğrunda canlarından keçmiş şəhidlərimiz və qazilərimiz haqqında gənc idmançılara geniş məlumat verilib, idmançılar təhlükəsizlik qaydaları və keçirilən yarışın qaydalarına uyğun təlimatlandırılıb və yekunda əldə etdikləri yerlərə uyğun mükafatlandırılıb,-Deyə Elman Əlibəyli bildirib.




















Yazıçı, jurnalist, hərbi ekspert Natiq Əlisoy

Dialoq.az