Ümummilli lider Heydər Əliyev: Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü, gələcəyi haqqında düşünməlidir.

Bəli, ulu öndər, dahi şəxsiyyət Heydər Əliyevin Azərbaycan gəncləri haqqında dediyi müdrik ifadələr gənclər üçün böyük məsuliyyət və vəsiyyətdir. O hər zaman Azərbaycan gənclərini sağlam, düşüncəli və vətənpərvər görmək istəyirdi. Bunun üçün əlindən gələnləri edirdi. O hər zaman çalışırdı ki, gənclərin əqli inkişafı ilə fiziki inkişafı paralel inkişaf etsin. Məss bunun nəticəsidir ki, dahi şəxsiyyət nəinki paytaxt Bakıda, eyni zamanda bütün bölgələrdə idman komplekslərinin inşasına və eləcə də yenidən təmirinə xüsusi diqqət ayırırdı. Bu gün o missiyanı ulu öndərin layiqli davamçısı, Müzəffər Ali Baş Komandan İlham Əliyev uğurla davam etdirir. O idmançıların inkişafı üçün bütün imkanları davamlı olaraq yaradır və onların qazandığı uğurlarla fəxr edir. Bütün çıxışlarında və görüşlərində gənclərə idmanın müsbət faydaları haqqında tövsiyyələr verən Ali Baş Komandan İlham Əliyev onlara şəxsi nümunə göstərərək idmanın ölkəmizdə inkişafına böyük töhfələr vermişdi. Bunun nəticəsidir ki, ölkənin bütün regionlarında olduğu kimi bu gün Yevlax rayon Uşaq-Gənclər-İdman-Şahmat məktəbi də Yevlax gənclərini öz ətrafına toplayaraq böyük həvəslə onların əqli və fiziki inkişafında böyük töhfələr verir. Bir neçə idman növü ilə fəaliyyət göstərən məktəbin yüzlərlə tələbəsi məktəbin bütün imkanlarından faydalanır və məktəbin peşəkar müəllimlərinin təcrübəsindən yararlanır. Bu yolda məktəbin rəhbərliyinə və müəllim kollektivinə uğurlar, yüksək nəticələr arzu edirik. İnanırıq ki, hər zaman olduğu kimi bu gündən sonra da Yevlax gəncləri idmanın bütün sahələrində ölkəmizi beynəlxalq yarışlarda uğurla təmsil edəcək və üçrəngli, ay-ulduzlu bayrağımızı zirvələrdə dalğalandırmaqla ölkəmizi və onun idman şərəfini layiqincə qoruyacaqdır!




















Yazıçı, jurnalist, hərbi ekspert Natiq Əlisoy