Yevlaxda yanacaqdoldurma məntəqəsində yanğın baş verib.
Dialoq.az xəbər verir ki,hadisə “TOT Oil” yanacaqdoldurma məntəqəsində qeydə alınıb.

Məlumata görə, “Toyota Corolla” markalı avtomobilə yanacaq doldurulan zaman avtomobilin yanacaq çənində yanğın baş verib. Yanğın nəticəsində avtomobilin yanar hissələri, eləcə də yük yerində olan 8 ədəd 20 litrlik plastik və dəmir qabda olan yanacaq yanıb. Alovun təsirindən yanacaqpaylayıcı kalonkanın idarəetmə lövhəsi zədələnib.Hadisə zamanı avtomobilin sürücüsü Məmmədzadə isgəndər Qurban oğlu qol nahiyəsindən yanıq xəsarəti alıb. O, təcili tibbi yardım briqadasına təhvil verilib.

Yevlax Rayon Mərkəzi Xəstəxanasından Dialoq.az'a verilən məlumata görə 2007-ci il təvəllüdlü şəxs 25.08.2026-cı il tarixində saat 11:20 radələrində Yevlax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Sol bazunun iç səthinin, 5-ci barmağın I dərəcəli yanığı diaqnozu təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb

Ona lazımi tibbi yardım göstərilib, vəziyyəti qənaətbəxş qiymətləndirilir.

Faktla bağlı araşdırma aparılır.

Dialoq.az