Şamaxı rayonunda baş verən yol-nəqliyyat hadisəsi nəticəsində iki nəfər həyatını itirib.

Dialoq.az xəbər verir ki,Fövqəladə Hallar Nazirliyinin “112” qaynar telefon xəttinə Şamaxı rayonu, Çuxuryurd kəndi ərazisində avtomobil qəzasının baş verməsi və şəxslərin nəqliyyat vasitəsində sıxılı vəziyyətdə qalması barədə məlumat daxil olub.

Məlumatla əlaqədar əraziyə FHN-in Dövlət Yanğından Mühafizə Xidmətinin Şamaxı Rayon Yanğından Mühafizə Hissəsinin yanğınsöndürən-xilasediciləri cəlb olunub.

Hadisə yerinə baxış zamanı “VAZ 2121” (“Niva”) markalı minik avtomobilinin idarəetməni itirərək dərəyə aşdığı müəyyən edilib. Qəza nəticəsində avtomobildə sıxılı vəziyyətdə qalan şəxslərin çıxarılması üçün xilasedicilər tərəfindən müvafiq tədbirlər görülüb.

Məlum olub ki, avtomobildə olan 1951-ci il təvəllüdlü Aslanov Mətləb İsmayıl oğlu və 1956-cı il təvəllüdlü Aslanova Şövkət Qasım qızı hadisə nəticəsində dünyasını dəyişib.

Yanğınsöndürən-xilasedicilər tərəfindən meyitlər nəqliyyat vasitəsindən çıxarılaraq aidiyyəti üzrə təhvil verilib.

Faktla bağlı araşdırma aparılır.
Dialoq.az