29 iyul 2026-cı il tarixində günorta saatlarında Mingəçevir–Bəhrəmtəpə avtomobil yolunun Yevlax rayonu, Aran qəsəbəsi ərazisindən keçən hissəsində yol-nəqliyyat hadisəsi baş verib.

Dialoq.az xəbər verir ki,ilkin məlumata görə, 1956-cı il təvəllüdlü Cəlil Həsənovun idarə etdiyi “Lifan” markalı minik avtomobili hərəkətdə olarkən idarəetmədən çıxıb. Nəticədə nəqliyyat vasitəsi yol kənarında quraşdırılmış qoruyucu metal səddə çırpılıb.

Qəza nəticəsində sürücü xəsarət alaraq Yevlax Rayon Mərkəzi Xəstəxanasına çatdırılıb.

Yevlax Rayon Mərkəzi Xəstəxanasından
Dialoq.az-a verilən məlumata görə, 29 iyul tarixində saat 14:00 radələrində yol qəzası nəticəsində bir nəfər kişi Təcili tibbi yardım şöbəsinə hospitalizasiya olunub.

Pasiyentə yüngül bədən xəsarətləri diaqnozu ilə zəruri tibbi yardım göstərilib, müvafiq müayinələr aparılıb. Onun vəziyyəti qənaətbəxş qiymətləndirilib.

Göstərilən tibbi xidmətlərdən sonra pasiyent ambulator müalicə üçün evə buraxılıb.

Faktla bağlı araşdırma aparılır.

.

.

Dialoq.az