Qaraməryəm-İsmayıllı-Şəki yolunda ağır qəza: 3 nəfər ölüb.

Qaraməryəm-İsmayıllı-Şəki avtomobil yolunda baş verən ağır yol-nəqliyyat hadisəsi nəticəsində üç nəfər həyatını itirib.

Dialoq.az xəbər verir ki, bu barədə Daxili İşlər Nazirliyinin (DİN)Mətbuat Xidməti məlumat yayıb.

Məlumata görə, hadisə bu gün saat 12:00 radələrində yolun Qurbanəfəndi kəndi ərazisindən keçən hissəsində baş verib.

Belə ki, paytaxt sakini Nihad Allahverənovun idarə etdiyi motosikletlə Qəbələ rayon sakini İsa Rzayevin idarə etdiyi “Opel” markalı avtomobil toqquşub.

Qəza nəticəsində hər iki sürücü, eləcə də İsa Rzayevin avtomobilində olan qadın sərnişin hadisə yerində həyatını itirib.

Əraziyə Dövlət Yol Polisi əməkdaşları cəlb olunub. Faktla bağlı araşdırma aparılır.

Baş Dövlət Yol Polisi İdarəsi motosiklet, moped və digər ikitəkərli nəqliyyat vasitələrini idarə edən sürücülərə müraciət edərək, təhlükəsizlik qaydalarına ciddi əməl etməyə, özlərinin və digər şəxslərin həyat və sağlamlığını təhlükəyə atmamağa çağırıb.

.

.

Dialoq.az