Ötən gün Ağcabədidə 1 yaşlı körpə vəfat edib.

Dialoq.az Qafqazinfo-ya istinadən xəbər verir ki,yanvarın 13-ü saat 23:30 radələrində 2025-ci il təvəllüdlü körpə (qadın) qıcolma spazması diaqnozu ilə xəstəxananın Uşaq şöbəsinə hospitalizasiya olunub.

“Daha sonra yanvarın 14-ü körpənin valideynləri iltizamnamə əsasında ixtisaslı tibbi xidmətdən imtina edib.

Yanvarın 16-sı saat 11:40 radələrində körpə yenidən yuxarı tənəffüs yollarının infeksiyası diaqnozu ilə Ağcabədi Rayon Mərkəzi Xəstəxanasına hospitalizasiya olunub. Tibb müəssisəsində körpənin müalicəsinə başlanılıb və müsbət dinamika müşahidə olunub.

Yanvarın 25-də körpədə yenidən qıcolmalar müşahidə olunub. Dərhal mütəxəssislərlə konsilium aparılıb. Lakin aparılan müalicə və reanimasiyon tədbirlərinə baxmayaraq saat 19:30 radələrində körpənin ölüm faktı qeydə alınıb”, - məlumatda deyilir.
Dialoq.az