Yevlax şəhər sakini Vüqar Namazov "Dialoq.Az" saytına yazaraq yaşadığı şok hadisəni danışıb:
Yevlax şəhər bazarından bir cüt corab aldım, çorabı istifadə etmək istədikdə qarşılaşdığım hadisə məni şoka saldı. Belə ki, corabı ayağıma geyinən zaman gördüm ki, corabın içində kağız var. Kağızı corabın içindən çıxartdım və bükülmüş kağızı açaraq gördüm ki, bu məktubdur. Məktubu oxuduqda gördüm ki, məktub 44 günlük "Vətən müharibəsi"ndə 5 yaşlı Mehin adlı bir körpənin məktubudur. Dərhal corabı və məktubu kənara qoyub düşündüm və ehtimal etdim ki, bu məktub vaxtı ilə 5 yaşlı Mehin adlı bir körpədən cəbhədə vuruşan əsgərlərimiz üçün yazılıb və məktub corabın içinə qoyularaq göndərilib. Bundan sonra fikirləşdim ki, yəqin ki, həmin corab və içindəki məktub kiminsə vasitəsi ilə əldə edilib və satış üçün bazara çıxarılıb. Gördüklərimin şokundan çıxa bilmirəm, xahiş edirəm məktubu yazan Mehin adlı balaca körpənin tapılması üçün mənə köməklik edəsiniz,-Deyə Vüqar Namazov bildirib.
Tel: 055-645-15-20
________________________________________________
Natiq Əlisoy