Biz sizə hər zaman borcluyuq əziz müəllimlər! Əziz oxucular, dəyərli həmvətənlarim! Saytımızın bu dəfəki müəllim qonağı Gəncə şəhər 30 nömrəli tam orta məktəbin ibtidai sinif müəlliməsi Sevil Ələkbərovadır. Sevil müəllimə Gəncə şəhərində biliyinə, bacarığına və şagirdləri ilə səmimiyyətinə görə seçilən müəllimələrdən biridir. Qırx beş ildir ki, rus sektorunda ibtidai sinif müəlliməsi kimi çalışan müəllimənin dərs dediyi şagirdlər nəiin ki, ölkəmizdə, həmçinin ölkəmizin hüdudlarından kənarda da yüksək nailiyyətlər əldə etmişdilər. Dərs dediyi şəgirdlərə yüksək peşəkarlıqla bilik verməklə bərabər, o, həmişə digər həmkarlarından xüsusi bir bacarığı ilə də seçilmişdir. Maraqlısı ondadır ki, o, dərs dediyi şağirdlərə hərfləri, yazı yazmağı, qələm tutmağı elə öyrətmişdir ki, onun dərs dediyi bütün şagirdlərin yazılarını bir-birindən seçmək olmur. Şagirdlərin xəttləri sözün əsil mənasında kağız üzərində elə bil muncuq kimi düzülür. Sevil müəllimə şagirdləri ilə münasibətdə nə qədər səmimi və nə qədər təmkinli olsa da, eyni zamanda o həm də çox tələbkar bir müəllimədir. Hörmətli Sevil müəllimə! Sizə bu şərəfli yolda yeni-yeni uğurlar, can sağlığı arzu edirik. Nə yaxşı ki, ölkəmizin təməl daşı hesab olunan təhsilimizin keşiyində sizin kimi vicdanlı, bilikli, bacarlıqlı və tələbkar müəllimiz var!
Sizi 5 oktyabr "Müəllimlər günü" münasibəti ilə təbrik edir, sizə uzun ömür can sağlığı arzu edirik. Arzu edirik ki, "Əməkdar müəllim" adına layiq görüləsiniz.

Elnur Baxış yazıçı, jurnalist, Azərbaycan Aşıqlar Birliyinin və Azərbaycan Jurnalistlər Birliyinin üzvü, "Qızıl sünbül" media mükafatı lauriyyatı.