27 sentyabr 2021-ci il tarixdə müqəddəs Şəhidlərimizin "Anım günü" münasibəti ilə Naxçıvan şəhər zirvə kitab evində yazıçı, şair, Azərbaycan Jurnalistlər Birliyinin üzvü, "Qızıl qələm", "Ulu öndər", media mükafatı laureatı Natiq Əlisoyun "Müharibənin görünməyən qəhrəmanları" adlı əsərindən 44 ədədi oxuculara hədiyyə edilib.
Əsərdə müharibələrin qayda və qanunlarından, erməni vəhşiliyindən, gələcəkdə zabit olmaq üçün seçdiyi yolun çətinliklərinə dözərək bütün sınaqlardan keçən kursantın şərəfli həyat yolundan və onun gələcək hərbi xidmətindən, Müzəffər Azərbaycan Ordusunun yaradılmasından, işğal altında olan doğma torpaqlarımızın işğaldan azad olunmasından və şəhidlərimizin, qazilərimizin, qəhrəman döyüşçülərimizin döyüş yolundan danışılır. Əsərin baş qəhrəmanı Natiq obrazı ilə zabit həyatı təsvir olunur.
Redaktor və Ön sözün müəllifi: Asim Yadigar Naxçıvan Muxtar Respublikası Yazıçılar Birliyinin sədri, Azərbaycan Respublikasının və Naxçıvan Muxtar Respublikasının Əməkdar mədəniyyət işçisi, Naxçıvan Muxtar Respublikası Ali Məclisinin deputatı.
Rəssamı: Səyyad Bayramov Naxçıvan Muxtar Respublikasının Əməkdar rəssamı.
Korrektor: Sevinc Əliyeva.
Kompüter tərtibatçısı: Ziya Məmmədov.