Şeir, şair, ictimai xadim, Azərbaycan Yazıçılar Birliyinin, Azərbaycan Jurnalistlər Birliyinin, Azərbaycan Aşıqlar Birliyinin üzvü, “Qızıl Qələm” mükafatı laureatı, Prezident mükafatçısı, Gəncə şəhəri Veteranlar Şurasının üzvü, Azərbaycan Respublikasının Əməkdar müəllimi Həsənov İlham Musa oğlu tərəfindən Leyla xanım Əliyevaya ithaf olunub.

LEYLA QIZIM
Gülərüz Leyla qızım.
Gəlişinlə dünyaya
Qovuşdun günəş, aya
Dərd sərin axar suya
Coşqun Kürüm-Arazım
Gülərüz Leyla qızım.

Üz-gözündən, yağır nur
Duruşun necə məğrur
Hər addımın, bir uğur
Söz tutmur, dilim-ağzım
Gülərüz Leyla qızım.

Olduqca istiqanlı,
Həmişə həyəcanlı
Hamıya canı yanlı
Ətirli bahar-yazım
Gülərüz  Leyla qızım.

Yanında qardaş - bacın
Hər ikisi, baş tacın
Heç kimə yox, möhtacın
Başqa sənə nə lazım
Gülərüz Leyla qızım.

İşıqlıdır yolların
Polad kimi qolların
Ağıllı oğulların
Sevinc dolu murazın
Gülərüz Leyla qızım.

El içində, hörmətin
Adın, sanın, şöhrətin
Dəyərlidir qiymətin
Ləkəsiz ağ kağızım
Gülərüz Leyla qızım.

Sevinir, atan - anan
Ruhları nənən - baban
Fəxr edir Azərbaycan!
Bu da mənim avazım
Gülərüz Leyla qızım
Gülərüz Leyla qızım.