Hər il olduğu kimi bu il də məktəblərdə yeni tədris ilinə ciddi hazırlıq prosesi gedir. 2021-2022-ci il tədris ilinə həvəslə hazırlaşan məktəblilər isti yay günlərindən sonra yenidən məktəb həyatına qayıtmaqla yeni biliklər əldə etmək üçün tələssələr də, ölkəmizdə və dünyada hökm sürən "Covid-19" pandemiyası övladlarımızın sağlamlığı ilə yanaşı onların davamlı tədris proqramına ciddi təsir edəcəyi şübhəsizdir. Məsələ ilə bağlı "Dialoq.az" saytına fikir bildirən şair, yazıçı, Azərbaycan Jurnalistlər Birliyinin üzvü Natiq Əlisoy qeyd edərək bildirmişdi ki, övladlarımızın təhsili ilə yanaşı onların sağlamlığı biz valideynlər üçün ən vacib məsələdir:
Övladım Əlizadə Fazil Natiq oğlu Naxçıvan Muxtar Respublikası Ə.Ağayev adına 8 nömrəli tam orta məktəbin 2(a) sinfində təhsil alır. Məktəb rəhbərliyinin və eləcə də övladımın sinif rəhbəri Həsənova Ruhiyyə müəllimənin sözügedən məsələ ilə bağlı fəaliyyəti təqdirəlayiqdir. Dünyada yayılmış "koronavirus" pandemiyasının ölkəmizdə yaratdığı virus dalğasının başlandığı gündən ölkə rəhbərliyinin təhsil ocaqları üçün tətbiq etdiyi məhdudiyyətlərə, təmizlik və məsafə qaydalarına ciddi nəzarətlə yanaşı ciddi davranış mexanizmi həyata keçirən məktəb kollektivinin birgə fəaliyyəti biz valideynləri çox sevindirir. İnanıram ki, ötən il olduğu kimi bu il də eyni proses uğurla davam etdiriləcəkdir,-Deyə Natiq Əlisoy bildirib.