Məşhur media maqnatı və CNN telekanalının qurucusu Ted Törner 87 yaşında vəfat edib.

“Dialoq.az ” xəbər verir ki, bu barədə məlumatı CNN telekanalı yayıb.

Ternerin ölüm səbəbi rəsmi olaraq açıqlanmasa da, onun bir müddətdir hospitalda müalicə aldığı bildirilir.

Qeyd edək ki, T. Törner ABŞ-nin ən nüfuzlu media sahibkarlarından biri idi. Onun 1980-ci ildə qurduğu CNN dünyanın ilk 24 saatlıq xəbər kanalı olaraq televiziya jurnalistikasında inqilab edib.

Onu da bildirək ki, Törnerin media imperiyasına CNN-lə yanaşı, TBS, TNT, “Cartoon Network” və “Turner Classic Movies” kimi tanınmış kanallar daxil idi. O, həmçinin idman dünyasında da aktiv olub, “Atlanta Braves” (beyzbol) və “Atlanta Hawks” (basketbol) komandalarının sahibi kimi tanınıb.
Dialoq.az