Bu gün Zəngilan Rayon İcra Hakimiyyəti başçısının 2025-ci ilin yekunlarına həsr olunmuş hesabat yığıncağı keçirilib.

“Dialoq.az ” xəbər verir ki, iclasda Rayon İcra Hakimiyyətinin başçısı Ramiz Həsənov, Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin məsul işçisi Zöhrab Bağırov, Milli Məclisin deputatı İmamverdi İsmayılov, rayonun hüquq-mühafizə orqanlarının rəhbərləri, Rayon İcra Hakimiyyətinin məsul işçiləri, idarə və müəssisə rəhbərləri, icra nümayəndələri, məktəb direktorları, şəhid ailələri, qazilər, ağsaqqallar və ictimaiyyət nümayəndələri iştirak etdilər.

Tədbir iştirakçıları əvvəlcə Rayon İcra Hakimiyyətinin inzibati binasında Ümummilli Lideri Heydər Əliyevin büstü önünə gül dəstələri düzdülər.

Ulu Öndər Heydər Əliyevin və Azərbaycan Respublikasının dövlət müstəqilliyi və ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edildi. Daha sonra Azərbaycan Respublikasının Dövlət Himni səsləndirildi.

Hesabat yığıncağında məruzə ilə çıxış edən Zəngilan Rayon İcra Hakimiyyətinin başçısı Ramiz Həsənov qeyd etdi ki, 2025-ci il “Konstitusiya və Suverenlik ili” ölkəmizin ictimai-siyasi və sosial-iqtisadi həyatında bir çox tarixi və əlamətdar hadisələrlə yadda qaldı. 2025-ci il ərzində rayonun sosial-iqtisadi inkişafı sahəsində görülmüş işlər, əhalinin məşğulluğu, sosial rifahın yaxşılaşdırılması istiqamətində həyata keçirilən tədbirlər barədə ətraflı məlumat verərək 2026-cı ildə qarşıda duran əsas vəzifələri diqqətə çatdırdı.

Məruzə ətrafında Şərqi Zəngəzur Regional Təhsil İdarəsi Zəngilan rayon sektorunun müdiri Kənan İmaməliyev, Məmmədbəyli kənd inzibati ərazi dairəsi üzrə nümayəndə Nərminə Bağırova, Zəngilan Dövlət Aqrar İnkişaf Mərkəzinin direktoru Möhübbət Səmədov, Zəngilan Mərkəzi Rayon Xəstəxanası Publik Hüquqi şəxsin direktoru Ceyran Abbasova çıxış etdilər.

Hesabat yığıncağında çıxış edən Azərbaycan Respublikası Prezidenti Administrasiyasının Ərazi-təşkilat məsələləri şöbəsinin məsul işçisi Zöhrab Bağırov, Milli Məclisin deputatı İmamverdi İsmayılov, Rayon Ağsaqqallar Şurasının sədri Xuduş İsgəndərov, Qarabağ Veteranları, Əlilləri və Şəhid ailələri İctimai Birliyinin Zəngilan rayon şöbəsinin sədri Ənvər Məmmədov Azərbaycan Respublikasının Prezidenti cənab İlham Əliyevin 2025-ci il ərzində həyata keçirdiyi dövlət siyasəti, strateji islahatlar və ölkənin qarşısında duran yeni hədəflər barədə ətraflı məlumat verərək, rayonun gələcək fəaliyyətinə dair prioritet istiqamətləri xüsusi qeyd etdilər. Rayon üzrə sosial-iqtisadi inkişafı sahəsində görülmüş işlər, əhalinin məşğulluğu, sosial rifahın yaxşılaşdırılması istiqamətində həyata keçirilən tədbirləri məqsədə uyğun hesab edərək Rayon İcra Hakimiyyəti başçısının hesabatını yüksək qiymətləndirdilər.

Tədbirdə hesabatın yekunu ilə bağlı qarşıda duran vəzifələrə dair hazırlanmış Qərar Layihəsi qəbul olundu.

Hesabat yığıncağının iştirakçıları adından Azərbaycan Respublikasının Prezidenti İlham Əliyevə müraciət qəbul edildi və müraciətin mətni iştirakçıların diqqətinə çatdırıldı.

.

.

.

.

.

.

.

.

Dialoq.az