Tədbirdə əvvəlcə müasir müstəqil Azərbaycanın və Yeni Azərbaycan Partiyasının qurucusu Ulu Öndər Heydər Əliyevin və torpaqlarımızın azadlığı uğrunda canlarını fəda etmiş bütün şəhidlərimizin əziz xatirəsi bir dəqiqəlik sükutla yad edilib.
Tədbirdə YAP Yevlax rayon təşkilatının sədri Rafiq Əliyev, Milli Məclisin deputatı İlham Məmmədov, Yevlax rayon Ağsaqqallar Şurasının sədri Minnət Mürsəlov, Yeni Azərbaycan Partiyasının veteran üzvü Vahid Quliyev, müəssisə, təşkilat rəhbərləri, şəhid ailəsinin nümayəndələri, YAP fəalları və gənclər iştirak ediblər.
Tədbiri giriş sözü ilə açan YAP Yevlax rayon təşkilatının sədri Rafiq Əliyev “8 Mart Beynəlxalq Qadınlar Günü” münasibətilə şəhid anaları başda olmaqla bütün qadınları təbrik edib. Bildirib ki, Azərbaycanda qadınların cəmiyyətin müxtəlif sahələrində fəal iştirakının təmin edilməsi xətti məhz Ulu Öndər Heydər Əliyevin adı ilə bağlıdır. Bu xətt bu gün də Ölkə başçısı cənab İlham Əliyevin rəhbərliyi ilə uğurla davam etdirilir. Azərbaycan qadınları hər zaman öz iradəsi, mərdliyi, saflığı, sədaqəti ilə cəmiyyətimizin həyatında, milli-mənəvi dəyərlərimizin formalaşmasında mühüm rola malikdirlər.
Tədbirdə çıxış edənlər Milli Məclisin deputatı İlham Məmmədov, Yevlax rayon Ağsaqqallar Şurasının sədri Minnət Mürsəlov, Yeni Azərbaycan Partiyasının veteran üzvü Vahid Quliyev vurğulayıblar ki, dövlətimiz tərəfindən hər zaman qadınlara xüsusi diqqət və qayğı göstərilir. Azərbaycan Respublikasının Birinci vitse-prezidenti hörmətli Mehriban xanım Əliyevanın nəcib və xeyirxah fəaliyyəti məhz əsl Azərbaycan qadınının təqdirəlayiq missiyasıdır. Qeyd edilib ki, bu missiya bütün xanımlarımız üçün ən gözəl nümunədir. Azərbaycan qadınları müstəqil respublikamızın ictimai-siyasi həyatının bütün sahələrində əzmlə çalışaraq öz üzərinə düşən vəzifələri layiqincə yerinə yetirir.
Tədbirdə çıxış edən şəhid anaları və fəal qadınlar dövlətimiz tərəfindən qadınlara göstərilən xüsusi diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident hörmətli Mehriban xanım Əliyevaya dərin minnətdarlığını bildiriblər.
Tədbirin sonunda “8 Mart- Beynəlxalq Qadınlar Günü” münasibətilə YAP Yevlax rayon təşkilatının fəxri fərmanları ilə təltif olunan bir qrup qadına fəxri fərmanlar və hədiyələr təqdim edilib.
























Dialoq.az