Yevlax Şəhər İcra Hakimiyyəti tərəfindən 2 fevral – Azərbaycan Gəncləri günü münasibətilə Yevlax şəhərindəki “Gənclər Məkanı”nda bayram tədbiri keçirilmişdir.

Tədbirdə Yevlax Şəhər İcra Hakimiyyətinin Başçısının müavini-İctimai-siyasi və humanitar məsələlər şöbəsinin müdiri Elnarə Əzizova, Mərkəzi Aran Regional Gənclər və İdman İdarəsinin Yevlax sektorunun müdiri Samir Kərimov, Gənclərin İnkişaf və Karyera Mərkəzinin Mərkəzi Aran Regional nümayəndəliyinin rəhbəri Elvin Əjdərli, “Yevlax Gənclər Evi” Sosial Xidmət Müəssisəsinin direktoru Tusi İbrahimov, rayonun qabaqcıl gəncləri, rayon ictimaiyyətinin nümayəndələri iştirak etmişlər.
Tədbir iştirakçıları tərəfindən Ulu Öndər Heydər Əliyevin abidəsi ziyarət edilmiş.,abidənin önünə gül dəstələri düzülərək ,Dahi Şəxiyyətin müqəddəs ruhuna ehtiram ifadə edilmişdir.
“Gənclər Məkanı”nda davam edən tədbirdə Azərbaycan Respublikasının Dövlət Himni səsləndirilmiş, Ulu Öndər Heydər Əliyevin və Azərbaycan Respublikasının suverenliyi uğrunda canından keçmiş şəhidlərin ruhu bir dəqiqəlik sükutla yad edilmişdir.
Yevlax Şəhər İcra Hakimiyyəti Başçısının müavini-İctimai-siyasi və humanitar məsələlər şöbəsinin müdiri Elnarə Əzizova iştirakçıları salamlayaraq Azərbaycanda gənclər siyasətinin inkişafı Ümummilli Lider Heydər Əliyevin adı ilə bağlı olduğunu bildirərək qeyd etmişdir ki, Dahi Liderin 1993-cü ildə xalqın tələbi ilə yenidən hakimiyyətə qayıdışı ölkəmizin tarixində yeni səhifə açmışdır. Bütün sahələrdə aparılan islahatlar, yeniliklər dövlətimizin möhkəmlənməsində, ictimai-siyasi sabitliyin təminatında mühüm rol oynadı, ölkəmizin varlığını qorudu, gələcəyini təminat altına aldı. 1990-1992-ci illər ölkəmizin həyatında olduqca böyük imtahan sayıla bilər. Bu dövrdə Ölkənin, millətin gələcəyi sayılan gənclər də bir sıra mənfi xarakterli meyillərə yönəlməyə başlamışdılar. Yaranan silahlı dəstələrdə yer alan gənclər daha ziyanlı vərdişlərə yönləndirildi. Ulu Öndərin yenidən Azərbaycan Respublikasının rəhbərliyinə gəlməsi ilə gənclərin ziyanlı vərdişlərdən çəkindirilməsi üçün dövlət səviyyəsində addımlar atıldı, gənclər siyasəti müəyyənləşdirildi. Ulu Öndərin əsasını qoyduğu gənclər siyasəti bu gün Möhtərəm Prezidentimiz, Müzəffər Ali Baş Komandanımnız cənab İlham Əliyev tərəfindən uğurla və yüksək səviyyədə davam etdirilir. Bu siyasətin əsasını milli və dövlətçilik maraqlarının prioritet təşkil etməsi 44 günlük Vətən müharibəsində həlledici rol oynadı. Haqq savaşımızda əsas missiyanı məhz Ali Baş Komandan İlham Əliyevin prezidentliyi dövründə yetişən gənclər yerinə yetirdilər. Bu gün hər birimiz fəxr edirik ki, Müzəffər Ali Baş Komandanın qətiyyəti və uzaqgörən rəhbərliyi, rəşadətli Azərbaycan Ordusunun peşəkarlığı və qələbə əzmi, xalqımızın mətanəti sayəsində torpaqlarımız işğaldan azad edilib. Azad edilən torpaqlarımızda görüləcək quruculuq-abadlıq işlərində, doğma diyarımızın yenidən çiçəklənməsində gənclərimizin də iştirakı mühüm əhəmiyyət kəsb edir.
Azərbaycan gənclərinin ölkə həyatında yüksək fəallığı, vətənpərvərliyi, dövlətə və Vətənə bağlılığı gənclərimizin bu prosesdə də fəal iştirak edəcəklərini deməyə güclü əsas yaradır.Bu ali diqqət və qayğını daim öz üzərində hiss edən Azərbaycan gəncliyi göstərilən etimadı layiqincə doğrultmağa çalışır. Bu yüksək münasibətə cavab olaraq Azərbaycanın parlaq gələcəyinin təminatçısı olan gənclər bütöv və müstəqil Azərbaycan naminə bütün güclərini səfərbər edir, Vətənin inkişafı üçün səylə çalışır. Artıq ərazi bütövlüyü tam təmin olunmuş Azərbaycanda yaşayan, qalib Ölkənin qalib gəncləri xoşbəxtdirlər.
Tədbirdə əyləncəli viktorinalar keçirilmiş, rayonun ictimai-siyasi həyatında fəallıq göstərən bir qrup gəncə Yevlax Şəhər İcra Hakimiyyətinin Fəxri Fərmanları təqdim olunmuşdur.











Dialoq.az