Vətən müharibəsi qazisi, istefada olan mayor Hüseynov Bayram Nizami oğlu 11 yanvar 1984-cü ildə Yevlax şəhərində anadan olub. O, 2001-ci ildə Yevlax şəhər M.Ə.Sabir adına 2 nömrəli tam orta məktəbin məzunu olub və həmin ildə də Heydər Əliyev adına Azərbaycan Ali Hərbi Məktəbinə qəbul olub. 2005-ci ildə Heydər Əliyev adına Azərbaycan Ali Hərbi Məktəbindən məzun olduqdan sonra Azərbaycan Silahlı Qüvvələrində zabit kimi xidmətə başlayıb. 27 sentyabr 2020-ci il tarixdə başlanan 44 günlük Vətən müharibəsi zamanı Füzuli, Xocəvənd, Cəbrayıl, Hadrut, Qubadlı, Laçın şəhər və rayonlarının azadlığı uğrunda gedən döyüşlərdə qəhrəmancasına iştirak edib. 24.10.2020-ci il tarixdə Qubadlı rayonunun Muradxanlı kəndində gedən döyüşlər zamanı yaralanmış, 13.01.2022-ci il tarixdə ordu sıralarından istefaya buraxılmışdır. 2022-ci ildən Yevlax şəhər Səməd Vurğun adına 5 nömrəli tam orta məktəbdə Gənclərin Çağrışaqədərki Hazırlıq-hərbi rəhbər vəzifəsində çalışır, həmçinin Milli Qəhrəmanları Tanıtma İctimai Birliyinin Yevlax Rayon Nümayəndəliyində sədr müavini vəzifəsində çalışır. Ailəlidir, iki övladı var.
Hörmətli Bayram müəllimi doğum günü münasibəti ilə təbrik edir, ona uzun ömür, can sağlığı, işlərində uğurlar arzu edirik.














Dialoq.az