Azərbaycan Respublikası Müdafiə Nazirinin Müavini-Naxçıvan Əlahiddə Ümumqoşun Ordu komandanı vəzifəsindən azad edilib.

"Dialoq.az" xəbər verir ki, müvafiq sərəncamla Naxçıvan Əlahiddə Ümumqoşun Ordu komandanı, general-polkovnik Kərəm Mustafayev tutduğu vəzifəsindən azad edilərək sərəncama göndərilib.

Digər sərəncamla, Vətən Müharibəsi Qəhrəmanı, general-mayor Kənan Seyidov Naxçıvan Əlahiddə Ümumqoşun Ordu komandanı vəzifəsinə təyin edilib.

Qeyd edək ki, keçmiş Naxçıvan Əlahiddə Ümumqoşun Ordu komandanı, general-polkovnik Kərəm Mustafayevin vəzifədən azad edilməsinin dəqiq səbəbləri hələ ki, ictimaiyyətə açıqlanmasa da, onun vəzifədən azad edilməsinin səbəbi kimi uzun illər yol verdiyi kobud nöqsanların olması ehtimal edilir.

Aldığımız qeyri-rəsmi məlumatlara görə Naxçıvan Əlahiddə Ümumqoşun Ordusunun keçmiş komandanı, general-polkovnik Kərəm Mustafayev ən çox qeyri-döyüş şəraitində baş vermiş əsgər ölümlərinə, uzun illər hərbi qulluqçulara qarşı olunan qanunsuzluqlara və digər məsələlərə görə ittiham olunur.
Araşdırmamız davam etdirilir.


Dialoq.az