Yevlax Şəhər Təhsil Sektorunun təşkilatçılığı ilə 27 may 2024-cü il tarixdə Azərbaycan Xalq Cümhuriyyətin 106 illiyinə həsr olunmuş "Hərbi bilik" intellektual yarış keçirilib.

Yarışın keçirilməsində məqsəd məktəblilərin hərbi bilik və bacarıqlarının, dünya görüşlərinin artırılması, onların asudə vaxtlarının səmərəli dəyərlədirilməsi, yarış bacarıqlarının formalaşdırılmasına nail olmaq olub.
İki mərhələdən ibarət intellektual yarışda hər mərhələ üzrə əsasən 10 və 11-ci sinif dərsliyindən "Gənclərin çağırışaqədərki" hazırlıq dərsliyindən, “Azərbaycan tarixi”ndən 12 sual səsləndirilib. Maraqlı keçən mübarizə nəticəsində 8 komanda arasında yüksək xal toplayan Yevlax şəhər Səməd Vurğun adına 5 saylı tam orta məktəb I yerə, Hürüuşağı kənd tam orta məktəbi II yerə, Qoyunbinəsi kənd tam orta məktəb isə III yerə layiq görülüb.

Sonda təşkilatçı qrum tərəfindən yarışda l yerə çıxmış komandaya kubok və diplom, II və III yerə çıxmış komandalara isə diplomlar təqdim olunub.


Dialoq.az