"Dialoq.az" xəbər verir ki, tanınmış bəstəkar, nəğməkar şairə, Yevlax Şəhər 2 Nömrəli Musiqi Məktəbinin fortopiano müəlliməsi Sevinc xanım Mansurova 10 may 2024-cü il tarixdə Ulu Öndər, Dahi Şəxsiyyət Heydər Əliyevin anadan olmasının 101-ci il dönümündə Azərbaycan mədəniyyətinin inkişafında göstərdiyi müstəsna xidmətlərə görə, "Azərbaycan Beynəlxalq İnformasiya Agentliyi" tərəfindən dahi bəstəkar Üzeyir Hacıbəyovun adına təsis edilmiş 1-ci dərəcəli "FƏXRİ MEDAL" və "Azərbaycan Respublikası Əqli Mülkiyyət Agentliyi"nin üzvlük vəsiqəsi, eyni zamanda Sənət Dünyasının Nuru "FƏXRİ DİPLOMU" ilə təltif olunub. Məlumat üçün onu da əlavə edək ki, dahi bəstəkar Üzeyir Hacıbəyovun adına təsis edilmiş 1-ci dərəcəli "FƏXRİ MEDAL" bundan əvvəl xalq artisti Arif Babayev və bir neçə tanınmış sənət adamlarına təqdim olunub.
Tanınmış və sevilən bəstəkar Sevinc xanım Mansurova bundan əlavə bir neçə ali mükafatlar laureatıdır və eyni zamanda onlarla sevilən mahnıların söz və musiqi müəllifidir. Sevinc xanımın yazdığı musiqilər respublikamızın tanınmış sevilən ulduzları, əməkdar və xalq artistləri tərəfindən sevə-sevə ifa olunub.

Onu da əlavə edək ki, tanınmış bəstəkar Sevinc xanım Mansurova torpaqlarımızın azadlığı uğrunda Birinci Qarabağ müharibəsində qəhrəmancasına döyüşərək Şəhid olmuş Şəhid Nəsir Mansurovun bacısıdır. Sevinc xanıma gələcək işlərində uğurlar arzu edirik. Allah Şəhidlərimizə rəhmət eləsin!



Yazıçı, Azərbaycan Yazıçılar və Azərbaycan Jurnalistlər Birliyinin üzvü, Şəhid Ailələri və Qazilərlə İş Departamentinin Sədri, hərbi ekspert Natiq Əlisoy

Dialoq.az