Dialoq.az xəbər verir ki, 30-31 mart 2024-cü il tarixlərdə Kürdəmir rayonunda Sərbəst və Yunan-Roma güləşi üzrə respublika birinciliyinin zona mərhələsi keçirilib.

Bu barədə Dialoq.az xəbər saytına Yevlax rayon Uşaq Gənclər İdman Şahmat Məktəbinin direktoru Elman Əlibəyli məlumat verib.
O bildirib ki, Kürdəmir rayonunda 2007-2009-cu il təvəllüdlü idmançılar arasında "U-17" keçirilən sərbəst güləş üzrə respublika birinciliyinin seçmə mərhələsində Yevlax rayon Uşaq Gənclər İdman Şahmat Məktəbinin (UGİŞM) yetirmələri (Məmmədov Nurlan Suliddin oğlu-45 kq, İbrahimxəlilli Səyid Samir oğlu-80 kq, Tağılı Cəsur Abbas oğlu-48 kq, Quliyev Samir Əliqara oğlu-51 kq) əzmkarlıq göstərərək yüksək nəticələr əldə ediblər və respublika birinciliyinin final mərhələsinə lisenziya qazanıblar.
İdmançıları ilə fəxr edən məktəb direktoru bu münasibətlə onları və məşqçi müəllimləri (Tofiq Tağıyev, Şöhrət Şükürov, Mübariz Cabbarov) təbrik edib və onlara gələcək işlərində uğurlar arzulayıb.




Dialoq.az