31 mart Milli Qəhrəmanları Tanıtma İctimai Birliyinin Yevlax Rayon Nümayəndəliyinin Sədri, Azərbaycan Bayrağı Ordenli, Vətən Müharibəs Qazisi, 3-cü qrup əlil, Vətən müharibəsi iştirakçısı, istefada olan mayor Mədəd Süleymanovun doğum günüdür.

Süleymanov Mədəd Vidadi oğlu 31 mart 1985-ci ildə Yevlax şəhərində anadan olub. 1992-ci ildə Yevlax şəhər Şəhid Qənbər Məhərrəmov adına 4 saylı tam orta məktəbin 1-ci sinfinə daxil olub, 2000-ci ildə həmin məktəbin 8-ci sinfini bitirib və Cəmşid Naxçıvanski adına Hərbi Liseyə daxil olub. 2003-cü ildə C.Naxçıvanski adına Hərbi Liseyi bitirib Heydər Əliyev adına Azərbaycan Ali Hərbi Məktəbinə daxil olub. 2007-ci ildə Heydər Əliyev adına Azərbaycan Ali Hərbi Məktəbini "Yerüstü Artilleriya Kəşfiyyatı" ixtisasını bitirib və təhsilini davam etdirmək üçün Silahlı Qüvvələrin Təlim – Tədris Mərkəzinin zabit təkmilləşdirmə kursuna göndərilib. 2008-ci ildə Silahlı Qüvvələrin Təlim –Tədris Mərkəzini bitirdikdən sonra zabit kimi ordu sıralarında xidmətə başlayıb. Mədəd Süleymanov ordu sıralarında müxtəlif vəzifələrdə xidmət edib, 44 günlük Vətən müharibəsi zamanı Füzuli, Xocavənd, Qubadlı, Hadrud, Tuğ kəndi, Çanaqçı kəndi, Daşaltı, Şuşa əməliyyatlarında böyük qəhrəmanlıqlar göstərib. Vətən müharibəsində göstərdiyi xüsusi qəhrəmanlıqlara görə Müzəffər Ali Baş Komandan, cənab İlham Əliyev tərəfindən bir neçə orden və medallarla təltif edilib:

1. “Azərbaycan Bayrağı” Ordeni;
2. Şuşanın işğaldan azad olunmasına görə medalı;
3. Füzulinin işğaldan azad olunmasına görə medalı;
4. Qubadlının işğaldan azad olunmasına görə medalı;
5. Vətən Müharibə iştirakçısı medalı.

Bundan əlavə Müzəffər Ali Baş Komandan, cənab İlham Əliyevin sərəncamlarına əsasən müdafiə naziri tərəfindən təltif edildiyi medallar:

1. Silahlı Qüvvələrin yaranması münasibəti ilə 90 illik medalı;
2. Silahlı Qüvvələrin yaranması münasibəti ilə 95 illik medalı;
3. Silahlı Qüvvələrin yaranması münasibəti ilə 100 illik medalı;
4. 3-cü dərəcəli qüsursuz xidmətə görə medalı;
5. 2-ci dərəcəli qüsursuz xidmətə görə medalı.

Mədəd Süleymanov Şuşa döyüşlərində xidməti vəzifələrini yerinə yetirərkən ağır yaralanıb, uzun sürən müalicədən sonra ordu sıralarında istefaya buraxılıb. O, 3-cü qrup əlil və Azərbaycan respublikasının veteranıdır.
Qəhrəman qardaşımızı doğum günü münasibəti ilə ürəkdən təbrik edirik!

Yazıçı, Azərbaycan Yazıçılar və Azərbaycan Jurnalistlər Birliyinin üzvü, YYSİB Şəhid Ailələri və Qazilərlə İş Departamentinin Sədri, hərbi ekspert Natiq Əlisoy

Dialoq.az