Dialoq.az xəbər verir ki, fevralın 20-də Mərkəzi Aran Regional Təhsil İdarəsinin tabeliyində olan ümumi təhsil müəssisələrində vakant olan gənclərin çağırışaqədərki hazırlığı rəhbəri və psixoloq vəzifələrinə işə qəbul üzrə müsabiqənin müsahibə mərhələsi keçirilib.

Mərkəzi Aran RTİ-nin inzibati binasında keçirilən müsahibədə işə qəbul üzrə müsabiqənin test imtahanı mərhələsində müvafiq keçid balını toplamış 16 nəfər namizəd iştirak edib.
Qeyd edək ki, müsahibəyə ilk olaraq şəhid ailələrinin üzvləri, Birinci Qarabağ və Vətən müharibəsi veteranları (iştirakçıları) və müharibədə əlillik dərəcəsi almış şəxslər dəvət olunub.
Həmçinin müsahibənin növbəti turunda boş qalan vakant vəzifələrə test imtahanında keçid balını toplayan namizədlər üçün İdarənin kütləvi informasiya vasitələrində elan veriləcək və vakant yer seçimində hər yer üzrə ən yüksək bal toplayan namizəd müsahibəyə dəvət olunacaq.
Müsahibə mərhələsində namizədlərin peşəkar kompetensiyaları, şəxsi və psixoloji keyfiyyətləri, ümumi dünyagörüşü yoxlanılır.










Dialoq.az