Dialoq.az xəbər verir ki, yanvarın 22-də Elm və Təhsil Naziri Emin Əmrullayev Göyçay rayonunda vətəndaş qəbulu keçirib. Qəbulda Göyçay, Mingəçevir, Yevlax, Ağdaş, Ucar, Kürdəmir və Zərdab sakinləri iştirak ediblər.

Qəbul zamanı Vətən müharibəsi iştirakçılarına xüsusi qayğı ilə yanaşan Elm və Təhsil Naziri Emin Əmrullayev və nazir müavini hörmətli Səbuhi müəllim onlarla xatirə şəkili də çəkdirib.
Görüş zamanı Şəhid ailələrinə, milli qəhrəmanlar və onların ailələrinə, qazilərə, müharibə iştirakçılarına göstərdiyi xüsusi diqqət və qayğıya görə Vətən müharibəsi iştirakçısı, qazi, ehtiyatda olan mayor, Azərbaycan bayrağı ordenli, Azərbaycan Jurnalistlər Birliyinin üzvü, Milli Qəhrəmanları Tanıtma İctimai Birliyinin Yevlax nümayəndəliyinin sədri Mədəd Süleymanov və Vətən müharibəsi iştirakçısı, qazi, ehtiyatda olan mayor, Milli Qəhrəmanları Tanıtma İctimai Birliyinin Yevlax nümayəndəliyinin sədr müavini Bayram Hüseynov minnətdarlıq bildirib. Görüşün sonunda Vətən müharibəsi iştirakçısı, qazi, ehtiyatda olan mayor, Azərbaycan bayrağı ordenli, Azərbaycan Jurnalistlər Birliyinin üzvü, Milli Qəhrəmanları Tanıtma İctimai Birliyinin Yevlax nümayəndəliyinin sədri Mədəd Süleymanov Elm və Təhsil Naziri Emin Əmrullayevə Milli Qəhrəmanları Tanıtma İctimai Birliyi adından "Fəxri Diplom" təqdim edib.


Yazıçı, hərbi ekspert, Azərbaycan Yazıçılar və Azərbaycan Jurnalistlər Birliyinin üzvü Natiq Əlisoy

Dialoq.az