Dialoq.az xəbər verir ki, 4 yanvar 2024-cü il tarixdə Milli Məclisin deputatı İlham Məmmədov və köməkçisi Rüstəm Əliyev Yevlaxda vətəndaşlarla görüş keçirib. Bu barədə Milli Məclisin deputatı İlham Məmmədov özünün Facebook sosial şəbəkə hesabında paylaşım edib.

YAP Yevlax rayon təşkilatının inzibati binasında keçirilmiş görüş çərçivəsində Vətən müharibəsi şəhidi Vüsal İsayevin həyat yoldaşı Məryəm İsayevanın, dünyasını dəyişmiş Vətən müharibəsi iştirakçısı Bəşirov Mənafın atası Məhərrəm Bəşirovun, eləcə də rayonun digər kəndlərindən olan bir qrup vətəndaşın müraciəti dinlənilib, yerində həll olunması mümkün olan məsələlərlə bağlı müvafiq tədbirlər görülüb, digər məsələlərlə bağlı aiddiyyəti üzrə müraciətlər ünvanlanıb.
Milli Məclisin deputatı İlham Məmmədov qeyd edib ki, ümumilikdə vətəndaşların rifah halının yaxşılaşdırılması, ölkəmizin hərtərəfli inkişafı, Şəhid ailələrinə, müharibə əlillərinə, iştirakçılarına və vətəndaşlarımıza göstərilən diqqət və qayğı möhtərəm Prezident İlham Əliyevin həyata keçirdiyi düzgün və məqsədyönlü siyasətin prioritet istiqamətlərindən biridir. Vurğulanıb ki, hazırda Azərbaycan bütün sferalar üzrə böyük inkişaf yolu keçir ki, bu da məhz bizim xoşbəxt, firavan gələcəyimizin ən böyük təminatçısına çevrilmişdir.
Eyni zamanda Milli Məclisin deputatı İlham Məmmədov və YAP Yevlax rayon təşkilatının sədri Rafiq Əliyev Vətən müharibəsi şəhidi Rəşad Budaqovun anası Sədaqət Budaqovanı yaşadığı ünvanda ziyarət edib,onun səhhətində yaranmış müəyyən problemlərlə əlaqədar olaraq Şəhid anasına Allahdan şəfa diləyib, dövlətimizin hər zaman şəhid ailələrinə göstərdiyi xüsusi qayğıdan söhbət açıblar. Rəsmilər görüş çərçivəsində şəhid ailəsinin qayğıları ilə maraqlanıblar, həmçinin Rəşad Budaqovun Vətən müharibəsindəki rəşadətindən geniş bəhs ediblər. Şəhid anası hər zaman göstərilən diqqətə görə Ölkə Prezidenti cənab İlham Əliyevə dərin minnətdarlıq hissini ifadə edib.











Dialoq.az