Tədbirdə Yevlax Şəhər İcra Hakimiyyəti Başçısı aparatının Hüquq şöbəsinin müdiri Vidadi Murtuzayev, Yevlax Şəhər Vəkil Bürosunun kollektivi, Yevlax rayon Məhkəməsinin, Yevlax rayon İcra və Probasiya Şöbəsinin, Rayon Ağsaqqallar Şurasının nümayəndələri iştirak etmişlər.Tədbir iştirakçıları ilk öncə Xalqımızın Ümumilli Lideri Heydər Əliyevin Şəhərin mərkəzindəki abidəsini ziayrət edib, önünə gül dəstələri qoyaraq müqəddəs ruhuna öz ehtiramlarını bildiriblər.
Tədbirdə çıxış edən Yevlax Şəhər İcra Hakimiyyəti Başçısı aparatının Hüquq şöbəsinin müdiri Vidadi Murtuzayev çıxış edərək vəkilləri təbrik etdi. bildirdi ki, Möhtərəm Prezidentimiz, Müzəffər Ali Baş Komandan cənab İlham Əliyevin 25 dekabr 2019-cu ildə imzaladığı “Vəkil günü” peşə bayramının təsis edilməsi haqqında" Sərəncamına əsasən, hər il dekabrın 28-i Azərbaycanda “Vəkil günü” peşə bayramı kimi qeyd edilir. Artıq neçə ildir ki, şanlı Azərbaycan vəkilliyi öz peşə bayramını təntənəli şəkildə qeyd edir və bununla bağlı müxtəlif tədbirlər keçirilir. Son illər ərzində Azərbaycan vəkilliyi güclənir, inkişaf edir. Təbii ki, möhtərəm cənab Prezidentin dəstəyi ilə Azərbaycan vəkilliyi daha da inkişaf edəcək, daha da güclənəcək. Son illər eyni zamanda onunla fərqlənirik ki, çox sayda gənc hüquqşünaslar vəkilliyə üz tutublar. Hesab edirəm ki, Azərbaycan vəkilliyi hər bir vətəndaşa yüksək keyfiyyətli hüquqi yardım göstərməklə, vətəndaşların hüquq və azadlıqlarının təmin edilməsində müstəsna rol oynamaqla ədalətin carçısı rolunu oynayır. Güclü və nüfuzlu vəkillik institutu olmadan ölkədə ədalət mühakiməsinin normal fəaliyyəti mümkün deyil. Qeyd edək ki, Azərbaycan Respublikası Prezidenti cənab İlham Əliyevin 25 dekabr 2019-cu il tarixli Sərəncamı ilə hər il dekabrın 28-i ölkəmizdə “Vəkil Günü” peşə bayramı kimi qeyd olunur.
Sonda Yevlax Şəhər Vəkil Bürosunun vəkilləri Şəhər İcra Hakimiyyəti Başçısının Fəxri Fərmanları ilə təltif edildi.

Dialoq.az