Mərkəzi Aran Regional Təhsil İdarəsinin yaydığı məlumata əsasən Dialoq.az xəbər verir ki, sentyabrın 16-da Mərkəzi Aran Regional Təhsil İdarəsi tərəfindən tabeliyindəki ümumi təhsil müəssisələrində gənclərin çağırışaqədərki hazırlığı rəhbəri vəzifəsinə işə qəbul üzrə müsabiqənin test imtahanı mərhələsi keçiriləcək.

Məlumatda qeyd olunur ki, sözügedən vəzifələrə işə qəbul müsabiqəsinin sənəd qəbulu prosesində iştirak edən 49 nəfər namizədin sənədləri yoxlanılıb və müvafiq vəzifənin tutulması tələb və şərtlərini ödəyən 43 nəfər namizəd test imtahanı mərhələsində iştirak etmək hüququ qazanıb. Test imtahanı mərhələsi Mingəçevir şəhər N.Ahəngari adına 13 nömrəli tam orta məktəbdə (ünvan: Mingəçevir şəhər Ərəş küçəsi 4) təşkil olunacaq və imtahan saat 15:00-da başlayacaq. İmtahanda namizədlərə ümumi dünyagörüşünün yoxlanılması və müvafiq vəzifə üzrə suallar təqdim olunacaq. Namizədlər imtahana gələrkən şəxsiyyəti təsdiq edən sənədi təqdim etməlidirlər.
Qeyd edək ki, müsabiqənin test imtahanı mərhələsində iştirak edəcək namizədlərə qeydiyyatdan keçdikləri mobil əlaqə nömrələri vasitəsilə məlumat veriləcəkdir.
Test imtahanı mərhələsində iştirak edəcək bütün namizədlərə uğurlar arzulayırıq!

Yazıçı, jurnalist, hərbi ekspert Natiq Əlisoy

Dialoq.az