16.08.2023-cü il tarixdə Yevlax rayonunda Milli Qəhrəmanları Tanıtma İctimai Birliyinin yeni üzvlərinə vəsiqələr təqdim olunub. Bu barədə "Dialoq.Az" saytına Milli Qəhrəmanları Tanıtma İctimai Birliyinin Yevlax rayon nümayəndəliyinin sədri, "Bayraq ordenli", Vətən müharibəsi iştirakçısı, qazi, Azərbaycan Jurnalistlər Birliyinin üzvü Mədəd Süleymanov məlumat verib:

Biz hər zaman dövlətimizin və Ali Baş Komandanımızın ətrafında sıx birləşmişik və bundan sonra da bu belə olacaqdır. Qeyd etmək istəyirəm ki, Milli Qəhrəmanları Tanıtıma İctimai Birliyi məss Ulu Öndər, Dahi Şəxsiyyət Ümummilli Lider Heydər Əliyevin təşəbbüsü və şəxsi göstərişi ilə yaradılmış ictimai birlikdir. Bizim yolumuz Ulu Öndər yoludur. Biz bu yola hər zaman sadiq olmuşuq və olacağıq. Biz günü-gündən birliyimizin üzvlərinin sayını artırırıq və çalışırıq ki, bu yolla dövlətimizə fayda verək. Eyni zamanda bizim qarşımızda duran əsas məqsəd milli qəhrəmanlarımızı tanıtmaq, onların adlarını əbədiləşdirmək, şəhid ailələri və qazilərimizə hərtərəfli dəstək olmaq, gənc nəsillərin vətənpərvər ruhda yetişməsinə xidmət etməkdir,-Deyə Mədəd Süleymanov bildirib.

Dialoq.Az