03.08.2023-cü il tarixdə Yevlax rayon Yeni Azərbaycan Partiyasının binasında Milli Məclisin deputatı İlham Məmmədov, YAP Yevlax rayon təşkilatının sədri Rafiq Əliyev, Azərbaycan Respublikası Milli Qəhrəmanlarını Tanıtma İctimai Birliyinin Yevlax Rayon Nümayəndəliyinin sədri, Vətən müharibəsi iştirakçısı, “Azərbaycan Bayrağı” ordenli Mədəd Süleymanov, Azərbaycan Respublikası MQTİB-nin Yevlax Nümayəndəliyinin sədrinin birinci müavini, Vətən müharibəsi iştirakçısı Bayram Hüseynov, Azərbaycan Respublikası MQTİB-nin Yevlax Nümayəndəliyinin sədr müavini, "Dialoq.Az" saytının rəhbəri, Yazıçı, Azərbaycan Jurnalistlər Birliyinin və Türk Ağsaqqalları İctimai birliyinin üzvü, hərbi ekspert Natiq Əlisoy arasında Şəhid ailələri və qazilərin problemləri mövzusunda geniş müzakirə keçirilib.

Keçirilən müzakirədə Müzəffər Ali Baş Komandan, cənab İlham Əliyevin Şəhid ailələri və qazilərin problemlərinin həlli istiqamətində verdiyi tövsiyyələr əsas götürülərək müvafiq tədbirlər planı hazırlanıb və bu istiqamətdə görüləcək işlər gündəliyə salınıb. Müzakirə zamanı Şəhid ailələri və qazilərlə mütəmadi görüşlərin keçirilməsini, onların problemlərinin dinlənilməsini və bu istiqamətdə atılacaq adekvat addımları prioritet götürən tədbir iştirakçıları Yevlax rayon üzrə bir neçə Şəhid ailələri ilə görüş keçirib, onların müraciətlərini dinləyib və müvafiq köməkliklər ediblər. Keçirilən görüşlərin sonunda qeyd edilib ki, Şəhid ailələri və qazilərlə görüşlər hər zaman olduğu kimi bu gündən sonra da mərhələli və davamlı olaraq təşkil olunub keçiriləcək.



Yazıçı, jurnalist, Natiq Əlisoy

Dialoq.Az